Foto: ashyq derekkóz
«Byltyrdan beri «Taza Qazaqstan» jalpyulttyq jobasy júzege asyrylyp jatyr. Bul jumysqa mıllıondaǵan azamatymyz atsalysyp keledi. Nátıjesinde 860 myń gektardan astam aýmaq tazalandy, tórt mıllıonnan astam aǵash otyrǵyzyldy. Osyndaı belsendiliktiń arqasynda Qazaqstan naǵyz jasyl elge aınalady. Bul keleshek urpaqqa keremet úlgi-ónege jáne ósıet bolyp qalary anyq», dedi Qasym-Jomart Toqaev.
Prezıdent tazalyq mádenıetin qalyptastyrýǵa úles qosqan azamattarǵa, ásirese jastarǵa rızashylyǵyn bildirdi.
«Muny halqymyzdyń ıgi isterge degen umtylysynyń jarqyn kórinisi dep túsingen jón», – dedi Memleket basshysy.
Sonymen qatar Prezıdent Úkimetke ekologııalyq aǵartý isiniń biryńǵaı úlgisin engizýdi tapsyrdy.
Tazalyq mádenıetin qoǵamda tereń ornyqtyrý – óte mańyzdy mindet. Osy baǵytta Úkimet ekologııalyq aǵartý isiniń biryńǵaı úlgisin engizýge tıis. Bul jumys mektepten bastap joǵary oqý oryndaryna deıin barlyq deńgeıdegi bilim mekemelerin qamtýy qajet», dedi Memleket basshysy.
