«Samruk-Kazyna Construction» AQ-nyń málimetinshe, mekteptiń qurylysyn «Turan Ascent» JShS júrgizip jatyr. Mektep 1200 orynǵa eseptelgen. Qurylysty jyl sońyna deıin aıaqtaý kózdelgen.
«Aldyn ala málimet boıynsha oqıǵanyń sebebi qurylys materıaldaryn durys saqtamaý jáne ornalastyrý talaptarynyń buzylýynan bolǵan. Atap aıtqanda, sport zalynyń shatyryna 6 tonnadan astam aýyr materıaldar qoıylyp, konstrýksııaǵa zaqym keltirgen. Oqıǵaǵa baılanysty tapsyrys berýshi tarapynan basshylyq, tehnıkalyq jáne avtorlyq qadaǵalaý ókilderi kiretin komıssııa quryldy. Jobalyq sheshimderge sáıkestigin jáne konstrýksııalardyń kóterý qabiletin tekserý úshin arnaıy tehnıkalyq saraptama uıymy tartyldy», dep habarlady kompanııadan.
Qorytyndy sheshimdi saraptamanyń nátıjesine sáıkes qabyldaý kózdelip otyr. Merdiger anyqtalǵan barlyq kemshilikti joıýǵa mindetti bolady.
