QazUMÝ konsorsıýmynyń quramyna qarasty Kardıologııa jáne ishki aýrýlar ǴZI-de Respýblıkalyq endokrınologııa jáne qant dıabeti quzyretteri ortalyǵynyń saltanatty ashylýy ótti. Is-sharaǵa QR Densaýlyq saqtaý mınıstri Aqmaral Álnazarova, S. D. Asfendııarov atyndaǵy QazUMÝ rektory Marat Shoranov, Almaty qalasynyń QDB basshysy Marat Pashımov jáne eldiń jetekshi mamandary qatysty.
Qazirgi tańda qant dıabeti - eń kókeıkesti sıpatqa ıe áleýmettik aýrýlardyń biri.
Halyqaralyq qant dıabeti Federasııasynyń málimetteri boıynsha álemde 589 mıllıon adam qant dıabetimen ómir súredi, al 2050 jylǵa qaraı olardyń sany 853 mıllıonǵa jetedi, degen derek bar.
Al Qazaqstanda 544 684 pasıent tirkelgen, onyń ishinde 6 myńnan astam bala bolsa, 2 tıpti qant dıabeti jaǵdaılardyń 95%-yn quraıdy.
Jańa ortalyqtyń ereksheligi nede desek, ortalyq endokrındik aýrýlary bar pasıentterge keshendi kómek kórsetý úshin qurylǵan jáne zamanaýı jabdyqtarmen jaraqtalǵan.
Endokrınolog kabıneti - endokrındik patologııalardy dıagnostıkalap, em-dom júrgizedi.
Jańa medısınalyq Ortalyq Densaýlyq saqtaý mınıstrliginiń qoldaýymen jáne Soltústik Eýropadaǵy eń iri dıabet ortalyǵy – Steno Diabetes Center-men (Kopengagen) tájirıbe almasýdyń arqasynda júzege asty.
Ozyq tehnolrgııalarmen jabdyqtalǵan ortalyq - Qazaqstannyń endokrınologııalyq qyzmetin nyǵaıtyp, myńdaǵan pasıentterdiń densaýlyǵyna qamqorlyq jasaýǵa baǵyttalǵan mańyzdy qadamnyń biri.
