Alqaly jıynǵa elimizdiń belgili óner qaıratkerleri, teatr salasynyń maıtalmandary, T.Júrgenov atyndaǵy Qazaq ulttyq óner akademııasynyń professor-oqytýshylary men jergilikti zııaly qaýym ókilderi qatysty.
Oblys ákiminiń orynbasary Dıas Esdáýletov quttyqtaý sózinde teatr óneriniń qoǵamdaǵy ornyna toqtalyp, jarty ǵasyrlyq beleske jetken shyǵarmashylyq ujymnyń eńbegin joǵary baǵalady. Onyń aıtýynsha, mundaı ǵylymı-tanymdyq basqosýlar ótkendi saralap, óner men ǵylymdy sabaqtastyrýǵa zor múmkindik beredi.
Shara barysynda Qazaq KSR halyq ártisi, Qazaqstannyń Eńbek Eri Asanáli Áshimov bastaǵan birqatar óner juldyzdary quttyqtaý tilekterin jetkizdi. Al teatrtanýshy, ónertaný doktory Baqyt Nurpeıis óz baıandamasynda teatrdyń shyǵarmashylyq jolyna ǵylymı taldaý jasap, repertýarlyq baılyq pen akterlik izdenisterge toqtaldy. Aıta ketsek, 1975 jyldan beri teatr sahnasynda 200-den astam qoıylym sahnalanyp, búginde 26 spektakl turaqty túrde kórermenge usynylyp júr.
Konferensııa qorytyndysynda teatr dırektory Erlik Jýasbek qatysýshylarǵa alǵys bildirip, aldaǵy shyǵarmashylyq izdenisterge tabys tiledi.
