Foto: gov.kz
Bul rette qurylysy aıaqtalmaǵan ýchaskelerde tıisti jol belgileri men aqparattyq taqtalar, ýaqytsha jol tańbalary joq. Keıde eskertý belgileri talapqa saı bolmaǵandyqtan, júrgizýshige kórine bermeıdi. Mundaı jaǵdaılar jol apattaryna alyp keledi.
Oljas Bektenov mysal retinde Pavlodar oblysynda oryn alǵan jaǵdaıdy atap ótti, onda «Sulýjon-Ekibastuz» avtojolynyń bir bóligin sý shaıyp ketken. Alaıda ol jerde jýyrda 5 qyrkúıek kúngi eki adamnyń qazasynan keıin ǵana jol qozǵalysyna tyıym salynǵan. Osyǵan baılanysty Premer-mınıstr tıisti mınıstrlikter men ákimdikterge tapsyrma berdi.
«Kólik mınıstrligine ákimdiktermen birlesip, avtomobıl joldaryn salý, kúrdeli jóndeý jáne kútip-ustaý kezinde jol qaýipsizdigin qamtamasyz etý jumystaryn kúsheıtýdi tapsyramyn. Bul jerde Ishki ister mınıstrligimen birlesip, qurylys jáne jóndeý jumystary barysynda standarttardyń qatań saqtalýyna baqylaýdy qamtamasyz etý qajet. Barlyq qaýipti jol ýchaskelerine tekserý júrgizip, sharalar qoldaný kerek. О́ńir ákimdikteri kúre joldardyń mańynda mal jaıý máselesi boıynsha tórt túlik ıelerimen túsindirý jumystaryn qamtamasyz etsin», dep atap ótti Oljas Bektenov.
