Foto: abw.by
Aıta keteıik, bıylǵy jyldyń basynan beri elektrosamokattardyń qatysýymen 360-tan astam jol-kólik apaty oryn alǵan.
Premer-mınıstr álem elderiniń tájirıbesine nazar aýdaryp, keı memleketterde mundaı kólik túrlerin paıdalanýǵa shekteý qoıylǵan nemese tolyqtaı tyıym salynǵanyn atap ótti.
«Joldaýda Memleket basshysynyń osy ózekti máselege nazar aýdarýy kezdeısoq emes. Máselen, Parıjde 2023 jyldyń qyrkúıek aıynan bastap samokattardy jalǵa alýǵa tyıym salyndy. Tek óz quralyńdy paıdalanýǵa ruqsat. О́tken jyldyń qazan aıynan bastap Madrıdte de dál osyndaı shekteý sharalary kúshine endi. Ulybrıtanııada árbir elektrosamokatqa memlekettik nómir berilip, ony tek júrgizýshi kýáligimen ǵana basqarýǵa bolady», dedi Bektenov.
Sonymen qatar, Oljas Bektenov Ishki ister mınıstrligine zańnamaǵa tıisti ózgeristerdi jedel daıyndaýdy tapsyrdy. Onyń aıtýynsha, jol qozǵalysynda adam ómiri men densaýlyǵyn qorǵaý barlyq memlekettik organdar men jergilikti atqarýshy bıliktiń basty mindeti bolyp qala beredi.
