Bul apparat 20 tamyz kúni Baıqońyr ǵarysh aılaǵynan "Soıýz-2.1b" zymyran-tasyǵyshymen ushyrylǵan bolatyn.
Bir aılyq orbıtalyq saparǵa 75 tyshqan, drozofıla shybyndary, jasýsha mádenıetteri, ósimdikter, dándi jáne burshaqty daqyldardyń úlgileri, sondaı-aq buǵan deıin ǵaryshta bolǵan tuqymdardan ósirilgen ósimdik tuqymdary jiberilip otyr.
Budan ózge ǵaryshqa sańyraýqulaqtar, qynalar, mıkroaǵzalar, bakterııalar jáne basqa da materıaldar attanǵan.
Ǵalymdardyń aıtýynsha, tyshqandardyń bir bóligi quramynda suıyqtyǵy bar pasta tárizdes jemmen qorektenedi, al ekinshi top kádimgi qurǵaq brıkettelgen jem men bólek gel túrindegi sýdy tutynady.
"Bul tehnologııa álemde alǵash ret qoldanylyp otyr", – dep málimdedi Reseı ǵylym akademııasynyń Medıko-bıologııalyq máseleler ınstıtýty.
