Foto: TJM
«О́rtti sóndirýge Almaty, Shymkent qalalary, Qaraǵandy, Túrkistan, Jambyl, Jetisý jáne Abaı oblystarynyń TJD kúshteri men quraldary, sondaı-aq QR TJM Martbek Mamraev atyndaǵy 52859 jáne Qasym Qaısenov atyndaǵy 68303 áskerı bólimderiniń áskerı qyzmetshileri qosymsha jumyldyryldy», delingen habarlamada.
TJM málimetinshe, órtti sóndirý jumystary qıyndap tur. Sebebi qyzyl jalyn 10 metr tereńdiktegi byqsýmen jáne jel baǵytynyń ózgerýimen kúrdelenip keledi.
«О́rtti sóndirýdiń 6 ýchaskesi quryldy. О́rt ornynda «Tereń-Qara» ózeninen ashyq sý kózine avtomobıl-sorǵy jeńin ornatý arqyly magıstraldyq jeli tartylyp, sýdy úzdiksiz jetkizý uıymdastyryldy. Bul jumystarǵa 6 birlik tehnıka: bir avtomobıl-sorǵy jeńi jáne 5 avtosısterna jumyldyryldy. О́rtti sóndirýge 11 órt oqpany jáne 1 tasymaldy lafetti oqpan berildi», dep habarlady TJM.
Aıta keteıik, kúndiz-túni qutqarýshylar oshaqtardy ınertti materıaldarmen toltyryp, topyraqty tyǵyzdaý jumystaryn júrgizip jatyr. Bul ádis ottyń byqsýyn otteginiń qoljetimdiligin tolyǵymen jaýyp, órttiń túpkilikti joıylýyn qamtamasyz etýge múmkindik beredi.
Sonymen qatar Tótenshe jaǵdaılar mınıstri general-maıor Shyńǵys Árinovtyń tapsyrmasy boıynsha órt ornyna órtke qarsy qyzmet komıtetiniń tóraǵasy Erlan Tóregeldıev barǵan.
