Foto: Erlan Omar
Eńbek jáne halyqty áleýmettik qorǵaý mınıstrliginiń málimetinshe, tek tamyz aıynyń ózinde 846,8 myń adam jalpy somasy 49,8 mlrd teńge tólem alǵan. Onyń ishinde:
- kóp balaly otbasylarǵa járdemaqy – 43,3 mlrd teńge somasynda 602,3 myń otbasy;
- nagradtalǵan analarǵa járdemaqy – 244,5 myń adamǵa 6,5 mlrd.teńge.
Esterińizge sala keteıik, kóp balaly otbasylarǵa járdemaqy birge turatyn tórt jáne odan da kóp balasy bar otbasylarǵa nemese kúndizgi oqý nysanynda oqıtyn 23 jasqa deıingi stýdentterge tabysyna qaramastan taǵaıyndalady.
2025 jyly tólemder mólsheri balalardyń sanyna baılanysty:
- 4 balasy bar otbasylarǵa – 16,03 AEK nemese 63 030 teńge;
- 5 balaǵa – 20,04 AEK nemese 78 798 teńge;
- 6 balaǵa – 24,05 AEK nemese 94 565 teńge;
- 7 balaǵa – 28,06 AEK nemese 110 332 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherinde tólendi.
Nagradtalǵan anaǵa beriletin járdemaqy «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan analarǵa taǵaıyndalady.
Atalǵan járdemaqy aı saıyn kelesi mólsherde tólenedi:
- «Kúmis alqa» alqasymen nagradtalǵan analarǵa – 6,40 AEK nemese 25 165 teńge;
- «Altyn alqa» alqasymen nagradtalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen nagradtalǵan analarǵa – 7,40 AEK nemese 29 097 teńge.
