Qazirgi kezde departament ǵımarattarynda jóndeý jumystary júrip jatyr. Búginde qalalyq polısııa jergilikti bıýdjet esebinen tehnıkamen, qaýipsizdikti arttyrýǵa jáne polısııa jumysynyń tıimdiligin kóterýge baǵyttalǵan zamanaýı avtokólikter men arnaıy quraldarmen qamtamasyz etilip otyr.
Qala basshysy polısııa departamentiniń jedel basqarý ortalyǵynda bolyp, beınebaqylaý júıesiniń jumysymen jáne qoǵamdyq tártipti qamtamasyz etýde sıfrlyq tehnologııalardy engizý barysymen tanysty. Almatydaǵy JBO 2000 jyldyń jeltoqsanynda ashylǵan bolatyn. Búginde munda táýlik boıy 28 qyzmetker jumys isteıdi. Júıege 53 myń kamera qosylǵan, olardyń ishinde bet-álpetti taný fýnksııasy bar qurylǵylar da bar.
Kelisim boıynsha mundaı tehnologııalar oıyn-saýyq oryndarynda, ıaǵnı barlar men meıramhanalarda da ornatylady. Olar quqyq buzýshylyqtyń aldyn alýǵa jáne izdeýde júrgen azamattardy anyqtaýǵa qoldanylady. Jyl sońyna deıin Target platformasyna taǵy 8 myń kamerany qosý josparlanǵan. Darhan Satybaldy qala turǵyndarynyń qaýipsizdigi basty basymdyq ekenin atap ótip, polısııanyń materıaldyq-tehnıkalyq bazasyn nyǵaıtýdyń jáne halyqtyń quqyq qorǵaý organdaryna degen senimin arttyrýdyń mańyzdylyǵyn atap ótti.
Almaty
