«Qazaqstan fýtbol federasııasynyń prezıdenti, qadirli dosym Marat Omarovty jáne Qazaqstandaǵy barlyq fýtbol janashyrlaryn osy mańyzdy oqıǵamen quttyqtaý men úshin úlken qýanysh. Qazaqstandaǵy FIFA Talent Academy – balalardyń armanyn júzege asyrýǵa baǵyttalǵan mańyzdy ınvestısııa. Akademııa jergilikti daryndy balalardy anyqtap, tárbıelep, damytýǵa múmkindik beredi. Sonymen qatar tártip, komandamen jumys isteý jáne kóshbasshylyq sııaqty qundylyqtardy boıyna sińiredi», dep jazdy Infantıno.
Onyń aıtýynsha, akademııa jumysyna FIFA-nyń Talent Coach mamany tikeleı qatysyp, jahandyq fýtbol damýy jónindegi jetekshi Arsen Vengerdiń basshylyǵymen júzege asady. «Osy baǵyttaǵy eńbektiń arqasynda bolashaq qazaqstandyq fýtbolshylar aımaqtyq jáne álemdik deńgeıde jarqyraıtynyna senimdimin», dedi FIFA prezıdenti.
Aıta keteıik, Talǵarda ashylǵan bul ortalyq – Ortalyq Azııadaǵy alǵashqy, álem boıynsha toǵyzynshy FIFA Talent Academy mártebesine ıe bolǵan joba.
