Bir sahnada dástúrli ánniń Arqa mektebi, Jetisý án mektebi, Syr óńiri án mektebi, Altaı-Tarbaǵataı án mektebi jáne Batys Qazaqstan án mektebi syndy bes mektep óner kórsetti. Ár mektep ózine tán tembrimen, naqyshymen jáne oryndaý mánerimen erekshelenedi. Osy arqyly kórermen ulttyq mýzykalyq muranyń alýan túrin tamashalady. Bul konsertter qazaq mýzykasynyń rýhy saqtalyp, zamanaýı tyńdarman úshin jańa qyrynan ashylyp kele jatqanyn aıqyn kórsetti.
Kesh «Án qanatyndaǵy Almaty» atty dástúrli mýzykaǵa arnalǵan baǵdarlamamen bastaldy. Ramazan Stamǵazıev, Sáýle Janpeıisova, Erkin Shúkimanov, Ardaq Isataeva jáne basqa da qazaqtyń dástúrli óner sheberleri sahna tórinde kórermenmen qaýyshty. Al «Sazgen sazy» folklorlyq-etnografııalyq ansambli konserttiń ajaryn asha tústi. Repertýaryndaǵy kúıler, termeler men halyq ánderi oryndaldy.
Merekelik kóńil-kúıdi zamanaýı teatrlandyrylǵan «QAZAQSHA terapııa: Ǵasyrlar úni» jobasy jalǵastyrdy. Bul qoıylymdy akter Aset Esjan men «Alataý» dástúrli óner teatrynyń artısteri sahnalap, qazaq mádenıetiniń baı dástúrin jańa sahnalyq jáne kórkemdik sheshimdermen ushtastyrdy.
ALMATY
