Ortalyq aýmaǵynda tórt jabyq qatty jabyndy kort, tórt ashyq qatty jabyndy kort, alty topyraq jabyndy kort ornalasqan. Kórermen úshin ashyq alańdarda 150 oryndyq, ǵımarat ishinde 100 oryndyq trıbýna bar. Jańa ortalyqtyń jalpy aýmaǵy 5 myń sharshy metrden asady.
Kásibı sportshylarmen qatar ár jastaǵy áýesqoılarǵa arnalǵan ortalyq halyq tyǵyz qonystanǵan aýdanda ornalasqan. Jattyǵý úshin bilikti jattyqtyrýshylar tartylyp, tennısshilerdi daıarlaýǵa jáne buqaralyq sportty damytýǵa qolaıly jaǵdaı jasalǵan.
Munda áleýmettik az qamtylǵan otbasylardyń balalary úshin keminde eki top (árqaısysy 10 adamnan) tegin sabaqtar uıymdastyrylmaq. Sonymen qatar kópbalaly otbasylar men zeınetkerler jeńildikpen jattyǵa alady. Ortalyq tolyqtaı múmkindigi shekteýli azamattarǵa beıimdelgen.
Keshende medısınalyq kabınet, ashana, zamanaýı TechnoGym jabdyqtarymen qamtylǵan jattyǵý zaly, májilis zaly bar. Ortalyq kúnine keminde 400 sportshyny qabyldaı alady. Nysan qurylysy Qazaqstan tennıs federasııasynyń qoldaýymen júzege asqan. Keshenniń resmı ashylý saltanaty Qala kúnin merekeleý aıasynda ótedi.
