QR IIM Ulttyq ulanynyń Bas qolbasshylyǵynyń Qujattamalyq qamtamasyz etý basqarmasynyń aǵa ofıseri Rústem Baıkaluly egde jastaǵy er adamnyń úı aýlasyndaǵy oryndyqta súlesoq jáne eńkeıip otyrǵanyn baıqaǵan. Basyn súıep, qozǵala almaı otyrǵan azamatqa áskerı qyzmetshi kelip, jaǵdaıyn suraǵan. Al ol qan qysymy kóterilgenin jáne kómek keregin áreń jetkizgen.
«Qan qysymy boıynsha másele baryn túsinip, syrt kıimin sheship, birden dárihanaǵa júgirdim. Farmasevtiń keńesimen qajetti dárini alyp, syrqat kisige berdim. Ile jedel járdem shaqyryp, naýqasty solarǵa tapsyrdym. Olar qalaı alǵashqy kómek kórsetkenimdi jáne qandaı dári bergenimdi surady. Bárin túsindirgen soń medısına qyzmetkerleri durys áreket jasaǵanymdy aıtty. Eger der kezinde nazar aýdaryp, dári-dármek bermegende naýqastyń ómirden ótip ketýi de múmkin eken», – dedi kapıtan Rýstem Ábishev.
Osylaısha, ulandyq áskerı qyzmetshiniń jedel áreketi jazataıym oqıǵany boldyrmaýǵa septigin tıgizdi.
Aıta keteıik, R. Abıshev Ulttyq ulan sapynda 2007 jyldan beri qyzmet atqaryp keledi. Ofıser osydan 10 jyl buryn da adam ómirin aman alyp qalǵan bolatyn. Ol kezde ol О́skemen qalasynda demikpesi ustap qalǵan kólik júrgizýshisine der kezinde alǵashqy kómek kórsetken.
