Atalǵan baǵdarlama 2025 jyldyń aqpan aıynan bastap iske asyrylyp jatyr. Oqý-aǵartý mınıstrliginiń aqparatyna súıensek, bul joba sıfrlyq transformasııa jáne jasandy ıntellekt tehnologııalaryn engizýde bilim berý júıesi basshylarynyń strategııalyq oılaýyn, kóshbasshylyq jáne basqarýshylyq quzyrettilikterin damytý maqsatynda qolǵa alynǵan.
Oqýǵa Oqý-aǵartý mınıstrligi ortalyq apparatynyń, óńirlik basqarmalar men bilim bólimderiniń 74 basshysy, sondaı-aq elimizdiń barlyq óńirlerinen mektep, balabaqsha jáne kolledj dırektorlary qatysty. Atalǵan baǵyt bilim berý júıesiniń negizgi syn-qaterlerine biryńǵaı kózqaras qalyptastyrýǵa jáne praktıkalyq basqarýshylyq sheshimder ázirleýge múmkindik berdi.
Baǵdarlama taqyryptary kóshbasshylyq quzyrettilikterdi damytý, strategııalyq josparlaý, TjKB transformasııasy jáne bilim berýge jasandy ıntellektini engizý tájirıbelerin qamtydy. Sonymen qatar pedagogıkalyq hakaton ótkizilip, óńiraralyq komandalar bilim berý sapasyn arttyrý jáne jasandy ıntellektini qoldaný boıynsha praktıkalyq jobalar ázirledi.
Kýrs nátıjesinde praktık-menedjerlerdiń qaýymdastyǵy qurylyp, óńirlik deńgeıde iske asyrylatyn jobalar daıyndaldy, sondaı-aq oqytý men basqarýda jasandy ıntellektini saýatty paıdalanýǵa arnalǵan ádistemelik materıaldar toptamasy ázirlendi.
