Tazalyqqa shyqqan azamattar qorshaǵan ortany qorǵaýǵa óz úlesterin qosyp, ekologııalyq mádenıetti qalyptastyrýdyń jarqyn úlgisin kórsetti. «Shyǵys jastary» qoǵamdyq qorynyń atqarýshy dırektory Álıbı Ábdiraıymov júrginshilerdi tazalyqty saqtaýǵa shaqyrdy.
– «Taza Qazaqstan» ekologııalyq aksııasy Memleket basshysy Qasym-Jomart Toqaevtyń bastamasymen júzege asyp jatqan ıgi isterdiń biri. Aksııa barysynda Semeı – Astana baǵytyndaǵy aýmaqtar tazartyldy. Negizgi maqsat – óńir turǵyndary arasynda qorshaǵan ortany taza ustaý mádenıetin qalyptastyrý. Búgingi aksııaǵa 50-den asa adam qatysyp, belsendilik tanytty. Qalamyzdyń tazalyǵy – barlyǵymyzdyń ortaq mindetimiz. Barsha turǵyndardy tabıǵatty aıalaýǵa, mundaı is-sharalarǵa belsene qatysýǵa shaqyramyn, – dedi ol.
Oblystyq baspasóz qyzmetiniń málimetine súıensek, «Taza Qazaqstan» baǵdarlamasy aıasynda jyl basynan oblysta 282 381 adam, onyń ishinde 13 585 uıym men mekeme ókilderi qatysqan. Jumysqa 8 558 tehnıka jumyldyryldy. Nátıjesinde 157 072 aýla tazalanyp, 49 467 tonna qatty turmystyq qaldyqtar qoqys (QTQ) polıgondaryna shyǵaryldy. Oblys boıynsha 2 443 saıabaq pen skver tazartylyp, 1 001 eskertkishtiń aınalasy abattandyrylyp, 10 285 sharshy metr tasjol jóndeldi. 50 201 kóshet jáne 7 883 shybyq otyrǵyzyldy. Senbilik 16 811 áleýmettik jáne óndiristik nysandy, sondaı-aq 2 287 jasandy sý qoımasyn qamtydy. Atalǵan ekologııalyq aksııa Abaı oblysynda aldaǵy ýaqytta da jalǵasa bermek.
Abaı oblysy
