Sýretterdi túsirgen – Jeńis YSQABAI
Bıyl 2 ortalyq alań jańartylyp, eskertkishterdiń 97%-y qalpyna keltirilgen. Balalardyń oıyn, sport alańdaryn jóndeý kórsetkishi – 95%, saıabaqtardy abattandyrý – 84%, kópqabatty úılerdiń shatyrlaryn jóndeý – 76%, alleıalardy abattandyrý 66% deńgeıinde oryndaldy.
Jalpy, jyl sońyna deıin oblys aýmaǵynda 21 saıabaq, 6 alleıa, 2 gúlzar, 49 aýla, 81 balalar men sport alańy abattandyrylýǵa tıis. Qazirde olardyń basym bóliginde qurylys jumysy aıaqtaldy. Sonymen qatar kópqabatty turǵyn úılerdiń 59 shatyry, 13 qasbeti jańartyldy. 70 eskertkish qaıta qalpyna keltirilip, 7,9 shaqyrym aryq júıesi retteldi. 152 shaqyrym kóshe joldaryna zamanaýı jaryq shamdary ornatyldy.
«Taza Qazaqstan» aksııasy aıasynda 151 myńnan astam adam qatysqan senbilikter uıymdastyrylyp, 11 myń tonnadan astam qoqys shyǵaryldy. Josparǵa sáıkes jyl sońyna deıin 120 myń túp aǵash otyrǵyzylady, onyń 56 myńy kóktemde, qalǵan bóligi osy kúzde egiledi», dedi oblys ákiminiń orynbasary Marlen Kólbaev.
Jergilikti baqylaý qyzmeti men «Ǵarysh sapary» spýtnıktik portalynyń dereginshe, oblys aýmaǵynda 618 ruqsatsyz qoqys úıindisi anyqtalǵan. Onyń 93%-y joıylyp, qalǵan oryndarda jumys jalǵasyp jatyr.
Tazalyq pen tártipti yntalandyrý maqsatynda oblysta «Úlgili eldi meken», «Taza aýdan ortalyǵy», «Taza aýyl», «Taza aýla» baıqaýlary ótkiziledi. Bul bastamalar aýyl men qalanyń ajaryn asha túsýge serpin beredi. Máselen, Panfılov aýdanynyń Taldy aýyly «Úlgili aýyl» respýblıkalyq baıqaýyna usynylsa, Sarqan aýdanyndaǵy «Qoıtas» saıabaǵy gúlzarlar arasyndaǵy respýblıkalyq synǵa joldama aldy.
«Polısııa departamenti tazalyq reıdterin jalǵastyra beredi. Sondaı-aq qurylys, jóndeý jumysy júrip jatqan nysandardyń aınalasyn retke keltirý, aıaldamalar men jaıaý júrginshiler ótkelderin jańartý, orman, saıabaq qorlaryn kútip-baptaý, jasyl jelekterdi sıfrlandyrý kún tártibinen túspeıdi», deıdi oblys ákiminiń birinshi orynbasary Álibek Jaqanbaev.
Osynaý ıgi isterdiń barlyǵy óńir turǵyndarynyń ómir súrý sapasyn jaqsartyp qana qoımaı, ekologııalyq mádenıetti qalyptastyrý men damytýdyń
