Foto: Úkimet
Kaskaǵa ornatylǵan kamera jasandy ıntellektpen ıntegrasııalanyp, dınamık jáne mıkrofonmen jabdyqtalǵan. Osy múmkindik sheńberinde «aqyldy kaska» naqty ýaqyt rejıminde jumysshynyń barlyq is-áreketin menedjerge habarlap otyrady. Eki jaqty baılanys ornatýǵa da múmkindik qarastyrylǵan. О́ndiristegi lokalızasııa deńgeıi 63%-ǵa jetetin qurylǵy ornalasqan jerdi baqylaýǵa arnalǵan GPS modýlimen jabdyqtalǵan jáne Wi-Fi ári uıaly baılanys arqyly jumys isteıdi.
Tehnıkalyq «kórýdi» qoldana otyryp, jasandy ıntellekt kameradan beıne aǵynyn taldaıdy jáne qaýipsizdik erejeleri buzylsa avtomatty túrde anyqtaıdy.
«Eger qyzmetker kaskasyz, qolǵapsyz nemese jumys kıiminsiz jumys istese, júıe ony jazyp alady da dereý dıspetcherge habarlama jiberedi. Bul júıe jumys oryndaryndaǵy qaýipsizdikti baqylaýǵa, eńbek ónimdiligin arttyrýǵa, óndiris mádenıetin jaqsartýǵa múmkindik beredi jáne qyzmetkerler men basshylyq arasyndaǵy baılanysty jeńildetedi», dedi kompanııa dırektory Sáken Sadyqov.
О́ndirýshi kompanııa jaqyn arada tolyq ıntegrasııalanǵan kaska shyǵarýdy jolǵa qoıyp, naqty ýaqyt rejıminde óndiristik operasııalardy oryndaý kezinde qyzmetkerlerge keńes bere alatyn daýystyq kómekshini ázirleýdi josparlap otyr.
