Foto: Erlan Omar
Dúnıejúzilik muǵalimder kúnin qurýdyń tarıhı alǵysharty 1966 jyly 5 qazanda Parıjde (Fransııa) ótken Muǵalimniń mártebesi týraly arnaıy úkimetaralyq konferensııa boldy. Nátıjesinde IýNESKO men Halyqaralyq eńbek uıymynyń ókilderi «Muǵalimderdiń mártebesine qatysty usynymdar» qujatyna qol qoıdy. Bul rette Dúnıejúzilik muǵalimder kúni alǵash ret 1994 jyly 5 qazanda atap ótildi.
Sońǵy jyldary memleket ınfraqurylymdy jańǵyrtý arqyly da, pedagogterdiń áleýmettik jáne kásibı mártebesin arttyrýǵa baǵyttalǵan sharalar arqyly da bilim berý salasyn júıeli túrde nyǵaıtyp keledi. Prezıdent Qasym-Jomart Toqaevtyń aıtýynsha, eger el básekege qabiletti bolýǵa umtylsa, ol azamattardyń jańa býynyn oqytyp, tárbıelep otyrǵan mamandandarǵa jaqsy jaǵdaı jasaýǵa mindetti.
Osyǵan baılanysty 2019 jyly muǵalimderdiń quqyqtary men kepildikterin resmı túrde bekitetin «Pedagog mártebesi týraly» Zań qabyldandy.
2019 jyldan bastap bilim berý júıesiniń bıýdjeti úsh esege ulǵaıtyldy. Mıllıonnan astam oqýshyny oqytýǵa eseptelgen 1200-den astam mektep paıdalanýǵa berildi. «Keleshek mektepteri» jobasy aıasynda 217 mekteptiń qurylysy josparlanǵan, onyń 150-i salynyp bitti. Bilim berý ınfraqurylymyn qoldaý qorynyń qarajatyna qosymsha 60-tan astam mektep ashyldy, taǵy 30-ǵa jýyǵy qurylys satysynda.
Keıingi tórt jylda olardyń jalaqysy eki esege ósti, 500 myńnan astam muǵalim yntalandyrýshy járdemaqy alady. Muǵalimderdi erekshe ákimshilik júktemeden bosatý olarǵa negizgi mindetke – oqytý men tárbıeleýge nazar aýdarýǵa múmkindik berdi.
Sonymen qatar kadrlyq áleýet damyp keledi: 2025 jyly pedagogıkalyq mamandyqtarǵa 13 myńnan astam grant bólindi, stýdent-pedagogterdiń stıpendııasy eki esege ósip, 84 myń teńgeni qurady.
