Foto: Aqorda
Ustem Foundation qoǵamdyq qory, Freedom Bank, Yandex Qazaqstan, Kaspi Bank, «Qazaqtelekom» AQ, «Eýrazııalyq bank» AQ, «Báıterek» UBH» AQ, «Qazaqstan temir joly» AQ jáne basqa da otandyq jetekshi kompanııalar men uıymdar JI salasyndaǵy jobalaryn kórmege qoıǵan.
Ekspozısııalar bilim berý, mádenıet, logıstıka, «aqyldy qala» tehnologııalary sekildi aýqymdy baǵyttardy qamtydy.
Sonymen qatar týrıstik onlaın qyzmetteri, generatıvti JI platformalary, V2V-agentteri men AITU otandyq messendjeri tanystyryldy. Kólik baǵytynda jańa býyndy 5G bazasynda tasymaldy basqarý men telekommýnıkasııaǵa arnalǵan JI negizindegi keshendi júıeler kórsetildi. Atalǵan is-shara elimizdegi sıfrlyq tehnologııanyń qarqyndy damýyn, sondaı-aq jasandy ıntellektiniń ulttyq ekojúıesin qalyptastyrýǵa otandyq bıznes pen ınstıtýttardyń qosqan úlesin pash etedi.
