Shyǵys Qazaqstanda ótkizilip jatqan kóptegen mádenı is-sharanyń biri, biregeıi – osy operetta teatrynyń jumysy. Buǵan deıingi qoıylǵan qaı spektakldi alsaq ta, zal lyq tolyp, halyqtyń qoshemetine bólenip keledi. Al áıgili shved tobynyń ánderine negizdelgen «Mamma mia!» mıýzıkli kórermenge erekshe kóńil kúı syılaǵandaı. Olaı deıtinimiz, eki jarym saǵatqa sozylatyn eki bólimdi qoıylymdy el tapjylmaı kórip shyqty. Kóńildi kórinisti bastan-aıaq tamashalaǵan oblys ákimi Nurymbet Saqtaǵanov ta oń baǵasyn berip, áleýmettik jelide bólisti.
Eske salsaq, qalanyń qaq ortasyndaǵy kóne ǵımarat operetta teatry bolyp ashylǵaly mıýzıklder men operettalar, operalar men mýzykalyq qoıylymdar qoıylady. «Mamma mia!» eń alǵash 1999 jyly Londonda sahnalanǵan. Sodan beri álemniń 50-den astam elinde kórsetilip, júzdegen mıllıon kórermendi tánti etti. Eń qyzyǵy, Shyǵys Qazaqstan oblystyq drama jáne operetta teatrynda bul týyndy qazaq tilinde de sahnalanǵan.
Shyǵys Qazaqstan oblysy
