Oqıǵa ótken jyldyń 2 qyrkúıeginde tún ishinde oryn alǵan. Qopa aýyly mektebiniń bir top 10,11 synyp oqýshysy 9-synypta oqıtyndardy «qurmetsizdik tanytty» degen jeleýmen shaqyryp alyp, uryp soǵý saldarynan 9-synyp oqýshysy qaıtys boldy. Qylmysqa qatysy bar 18 jasóspirim ustalyp, tergeýge alynǵanymen, alty jasóspirimniń isi ǵana sotqa jetti.
Memlekettik aıyptaýshy sottalýshylarǵa 6 jyl 8 aı bas bostandyqtarynan aıyrý jazasyn taǵaıyndaýdy surady. QK-niń úsh babymen jazaǵa tartylǵan sottalýshylardyń barlyǵy da kámeletke tolmaǵandar. Isti qaraý kezinde úsh sottalýshynyń qylmysty uıymdastyrýda asa belsendilik tanytqany anyqtaldy. «B» men «T» qylmysty aldyn ala uıymdastyryp, densaýlyqqa qasaqana zııan keltirip, abaısyzda jábirlenýshiniń ólimine soqtyrǵany jáne aldyn ala sóz baılasý arqyly toptasa birneshe ret buzaqylyq jasaǵany úshin 6 jyl jáne 8 aı merzimge bas bostandyqtarynan aıyrý jazasyna kesildi.
Al, «M» densaýlyqqa qasaqana zııan keltirip, abaısyzda jábirlenýshiniń ólimine ákeldi degen aıyppen 6 jyl 8 aıǵa sottaldy. Top bolyp tóbeleske qatysqan taǵy úsh jasóspirimge 1 jyl bas bostandyqtarynan aıyrý jazasy taǵaıyndaldy.
Oǵan qosa, basty aıypker «T»-nyń zańdy ókilinen qaıtys bolǵan balanyń otbasyna 5 mıllıon teńge moraldyq zalal óndirildi. Sot sheshimi áli zańdy kúshine engen joq.
Aqtóbe oblysy
