Jańa stadıon – el sportynyń mereıi

Ǵımarattyń birinshi qabatynda sport zaldary, fýtbolshylardyń daıyndyq bólmeleri, saýyqtyrý ortalyqtary ornalasqan. Ekin­shi qabatta ákimshilik bólme­ler, úshinshi qabatta jıyndarǵa ar­nal­ǵan májilis zaly bar. Múm­kin­digi shekteýli sportshylar­dyń jattyǵýyna da tolyq jaǵdaı jasalǵan.

11 myń oryndyq «Qaı­sar-Arena» ÝEFA-nyń 4-sana­tyna sáıkestendirilgen. Jasyl alań halyqaralyq standarttarǵa saı jasandy tósenishpen jab­dyqtalyp, zamanaýı jaryq­tandyrý, dybys júıeleri or­na­tylǵan. Mamandar bul ha­lyq­aralyq deńgeıdegi túrli sport­tyq, mádenı sharalardy joǵary deńgeıde ótkizýge múmkindik beretinin aıtady.

«Qaısar-Arenadaǵy» shym­kenttik «Ordabasy» men qos­tanaılyq «Tobyl» komanda­larynyń fınaldyq kezdesýine Týrızm jáne sport mınıstri Erbol Myrzabosynov, elimiz­diń Fýtbol federasııasynyń prezıdenti Marat Omarov, myńdaǵan jankúıer jınaldy. Oblys ákimi Nurlybek Náli­baev jurtshylyqty jańa nysan­nyń ashylýymen quttyqtap, koman­dalarǵa sáttilik tiledi.

«Búgin – el sporty tarıhyn­daǵy aıtýly kún. Memleket basshysynyń óńirlerde sport ınfraqurylymyn damytý, onyń ishinde stadıondar men sport keshenderin salý týraly tapsyrmasyna sáıkes Qyzylorda qalasynda jańa stadıon boı kóterdi. Jańa stadıonnyń ashylýy fýtboldan el kýboginiń fınaldyq oıynymen tuspa-tus kelip, jankúıerler asyǵa kútetin sport merekesi otandyq fýtbol tarıhynda alǵash ret Qyzyl­orda qalasynda ótip jatyr. Bul – biz úshin úlken mártebe, zor maq­tanysh. Jańa nysannyń salynýyna erekshe qoldaý bildirgen Memleket basshysyna, Úkimetke Syr jurtshylyǵy atynan shynaıy alǵysymyzdy bildiremiz. Barshańyzdy jańa stadıonnyń ashylýymen shyn júrekten quttyqtaımyn. Ko­mandalarǵa sáttilik tileımin. El fýtbolynyń dańqy arta bersin», dedi oblys basshysy.

Tartysty bastalǵan oıyn basynda «Ordabasy» sátti shabýyldar uıymdastyrǵanymen, «Tobyldyń» tegeýrini sezilip turdy. 19-mınýtta Ashat Taǵy­ber­gen tepken aıyp dobyn koman­da­lasy Nıkolaı Sıgnevıch golǵa aınaldyrdy. 33-mınýt­ta «Ordabasy» qaqpasyn taǵy bir márte dál kózdegen Islam Chesnokov esepti eseleı tústi. Shveısarııalyq Sven Volfens­berger bas tóreshi bolǵan kezdesý tablosyndaǵy esep oıyn sońyna deıin ózgermedi.

Jeńimpazdardy oblys ákimi Nurlybek Nálibaev, Týrızm jáne sport mınıstri Erbol Myrzabosynov, Fýtbol fede­rasııasynyń prezıdenti Marat Omarov marapattap, kýbok pen medaldar tabys etti.

On bir myń oryndyq jańa s­ta­dıonda ıne shanshar oryn bol­­­mady. Aýlasyna da úlken ­LED ekran qoıylyp, syrttaǵy­lar matchty sodan tamashalady.

QYZYLORDA