Sýret: naryk.kz
«Servıs klıentterge kez kelgen banktiń paıdasyna bankaralyq QR-tólemderdi qabyldaýǵa jáne júzege asyrýǵa múmkindik bere otyryp, bankterdiń tólem qyzmetterin keńeıtedi. Búginnen bastap bankaralyq QR-tólemder servısi «Bank SentrKredıt» AQ, «Home Credit Bank» AQ jáne «Freedom Bank» AQ klıentterine qoljetimdi. Operasııa jasaý úshin satyp alýshy klıent banktiń mobıldi qosymshasyna kirip, satýshynyń (servıske qatysýshy bankterdiń birinde qyzmet kórsetiletin) termınalynda QR-kodty skanerlep, tólemdi rastaýy qajet», dep túsindiredi bas bank baspasóz qyzmeti.
Ulttyq bank sarapshylarynyń aıtýynsha, bankaralyq QR-tólemderdi iske qosý bankter arasyndaǵy ózara is-qımyl deńgeıin arttyrady, yńǵaıly etedi jáne tutynýshy úshin tólem qyzmetteriniń qoljetimdiligin keńeıtedi.
Bul jumys kezeń-kezeńimen ári qaraı jalǵasady. Ol úshin basqa bankter osy jumysqa qatysty ishki úderisterdi beıimdeýge tıis.
