Biraq keıbir erekshelikter bar. Eger is sotqa jetse, sot oryndaýshysy úıge buǵat qoıýy múmkin. Bul «úıden shyǵaryp jiberedi» degen sóz emes. Tek úıdi satý, syıǵa tartý nemese basqa adamnyń atyna rásimdeý ýaqytsha shekteledi. Iаǵnı siz úıde tura beresiz, kommýnaldyq qyzmetterdi tóleısiz, biraq menshik quqyǵyńyzdy erkin paıdalana almaısyz. Osy tusta óte mańyzdy bir jaıt bar. Baıqaýymsha, azamattarǵa ózin polısııa qyzmetkerimin dep tanystyratyn alaıaqtar kóp habarlasady. Olar «nesıeńizdi tólemedińiz, endi úıińizdi tartyp alamyz», «qylmystyq is qozǵaldy» degen sııaqty jalǵan aqparat aıtyp, qorqytyp, aqsha alýǵa tyrysady. Mundaı áreketterdiń barlyǵy zańsyz. Kóbine «memlekettik múlikti ıemdený» degen bappen qorqytyp jatady. Buǵan senbeńizder.
Shyn máninde, sot sheshimi shyqsa, ony tek sot oryndaýshysy resmı túrde jetkizedi. Al messendjer nemese telefon arqyly kelgen habarlamalardyń eshqandaı zańdy kúshi joq. О́zin tergeýshi dep tanystyrǵandarǵa da senbeý kerek. Eger sondaı habarlamalar kelse, birden polısııaǵa baryp aryz jazǵan jón. Sebebi mundaı adamdar jeke derekterińizdi zańsyz alǵan bolýy múmkin. Bul da qylmysqa jatady. Negizsiz qorqytyp, psıhologııalyq qysym jasap otyr.
Qazir kollektorlardyń zańsyz áreketinen kóp adam sary ýaıymǵa túsip júr. Jaqynda bir ájeı kelip, telefonǵa kelgen habarlamalardy kórsetti. Onda «sizdiń úıińizge baramyz, sottyń sheshimi bar, 7 mıllıon teńge qaryzyńyz tólenbegen, múlikti tárkileý aktisin daıyndańyz» dep jazylǵan. Sonymen qatar «127 AEK kóleminde aıyppul salyndy» degen jalǵan siltemeler berilgen. Mundaı habarlamalardyń bári ótirik.
Este saqtaıyq, múlikti tárkileý tek qylmystyq ister kezinde ǵana bolady. Al kredıt tólemegen jaǵdaıda eń aldymen sot sheshimi shyǵýy kerek. Odan keıin resmı sot oryndaýshy habarlasady.
