– Memleket basshysy Qasym-Jomart Toqaev jasandy ıntellektini damytýǵa basa nazar aýdaryp, Qazaqstandy aldaǵy úsh jyl ishinde naǵyz sıfrlyq elge aınaldyrý týraly mindet qoıdy. Bizdiń azamattarymyzdyń áleýeti sheksiz jáne serpindi jobalardy jasap shyǵarýǵa múmkindikteri jetkilikti. О́z kezeginde biz olarǵa árdaıym jan-jaqty qoldaý kórsetýimiz kerek. Kózdegen maqsatqa jetýde bıznes, ǵylymı orta jáne memlekettik qurylymdar bolsyn, árbir tarap mańyzdy ról atqarady, – dedi Premer-mınıstr.
Elimiz «elektrondyq úkimetti» damytý jóninen álemde – 24, al onlaın qyzmetter kórsetýde 10-orynda. Úkimet jasandy ıntellekt jáne IT-mamandaryna barynsha qolaıly jaǵdaı jasaý úshin qarqyndy jumys júrgizýde. Qazirgi tańda ekojúıeniń ınfraqurylymy úzdiksiz keńip keledi. Bilim berý resýrstary barlyq azamattarǵa qoljetimdi. 20 joǵary oqý ornynda jasandy ıntellekt baǵdarlamalary iske qosylǵan. Shamamen 500 myń adam jasandy ıntellekt negizderi, onyń ishinde «AI Qyzmet», «AI Sana», «Tomorrow school», «QazCoders» sııaqty baǵdarlamalar negizinde bilim alýda. Sonyń ishinde Alem.ai-dyń ashylýy ınfraqurylymdy nyǵaıtýda mańyzdy qadam boldy. Ol – ǵylymı-zertteý jumystaryn júrgizý, ozyq sheshimderdi engizý jáne startaptardy damytý úshin qurylǵan biryńǵaı sıfrlyq klasterdiń negizgi platformasy. Astana Hub-ta – kreatıvti ındýstrııalardy damytýdaǵy mańyzdy quraldardyń biri. Venchýrlyq ınvestısııalar qory túrindegi akseleratordyń arqasynda startaptar aýqymdy qarjylandyrýǵa qol jetkizip, jahandyq naryqqa shyǵýdyń da múmkindigi artyp keledi. Jyl sońyna deıin IT-qyzmetter eksportynyń kólemin 1 mlrd dollarǵa jetkizý maqsatynda strategııalyq jospar júzege asýda. Qazaqstan naryǵyna qazirdiń ózinde «Playrix», «Mytona», «NetCracker» sııaqty álemdik tehnologııalyq alpaýyt kompanııalar qazyǵyn qaqty. Bul bıznes pen ınvestorlardyń tarapynan turaqty serikstes retinde Qazaqstanǵa degen senimniń nyǵaıyp kele jatqanyn kórsetedi.
– Jýyrda qurylǵan Jasandy ıntellekt jáne sıfrlyq damý mınıstrliginiń basty mindeti – kelesi tehnologııalyq serpiliske qol jetkizýdi qamtamasyz etý. Osy maqsatta quqyqtyq bazany jetildirip, jasandy ıntellekt jáne IT-mamandaryn qoldaý sharalary keńeıtiledi. Ulttyq bilim berý platformasyn ázirleý jáne jasandy ıntellekt salasyndaǵy zertteý ýnıversıtetin qurý jónindegi Prezıdent bastamalary bolashaq naryqqa bilikti kadrlardy daıarlaýǵa aıtarlyqtaı serpin beredi, – dep atap ótti Oljas Bektenov.
Premer-mınıstr Úkimet qýatty ekonomıka qurý maqsatynda elimiz úshin mańyzdy jobalardy júzege asyrýda birlesken jumysqa tolyqtaı ashyq ekenin jetkizdi. Forýmnyń nátıjesinde 30-dan astam mańyzdy memorandýmǵa qol qoıylyp, ózara yqpaldastyqtyń jańa baǵyttaryna jol ashyldy. Úkimet janynan qurylǵan Sıfrlyq shtab memlekettik organdardyń tolyq sıfrlyq transformasııasyn júzege asyrý, bıznestegi týyndaıtyn máselelerdi jedel sheshý jáne naryqtyń barlyq qatysýshylary úshin artyq kedergilerdi joıý baǵytynda jumys isteıdi.
Halyqaralyq forým aıasynda «Digital Bridge Awards» baıqaýynyń jeńimpazdaryn anyqtaý saltanaty ótti. O.Bektenov úzdik otandyq IT-jobalar men sıfrlyq bastamalardyń jeńimpazdaryna marapattardy tapsyrdy. «Digital Bridge Awards» 2025 syılyǵyna úmitkerler birneshe atalym boıynsha irikteldi. Jeńimpaz dep tanylǵan «Export Excellence» – (Grand Mobile), GTA rýhyn mobıldi qurylǵyǵa kóshirip, óziniń ashyq álemi bar, kóp ret paıdalanýǵa bolatyn róldik oıyn jasap shyǵardy. Onda paıdalanýshylar ózara árekettesip, mansap qýyp, óz ekonomıkasyn qura alady. Mobıldi oıyn álem boıynsha 60 mln retten astam kóshirilgen. «AI Solution of the Year» – (Higgsfield AI), mátin túrinde suraý salý boıynsha beıne jáne anımasııa jasaýǵa arnalǵan jasandy ıntellektige negizdelgen platformanyń negizin qalady. Google Next nusqasymen álemniń úzdik 25 startabynyń qataryna endi. «EdTech of the Year» – (CodiPlay), baǵdarlamalaý jáne ınjenerlik oılaýǵa oqytatyn mektepter úshin bilim berý ekojúıesin qurdy. Startap 13 eldegi mıllıonnan astam oqýshyny qamtıdy. GovTech Innovation – (Documentolog Global Limited), memlekettik basqarý prosesterin avtomattandyrý úshin sıfrlyq sheshimder ázirlep shyǵardy, onda elektrondy túrdegi normatıvter shyǵarý jáne ıntellektýaldy izdeý júıeleri bar. «Tech Media Excellence» – (digitalbusiness.kz), tehnologııalar men startaptar týraly eldegi iri medıanyń negizin qalady. Ony aı saıyn 200 myńnan astam biregeı paıdalanýshy oqıdy. «Social Impact Project» – (7Generation / KazDream IT Holding), azamattardyń qaýipsizdigin qamtamasyz etýde jedel áreket etetin shuǵyl qyzmetterge qońyraý shalý kezinde abonentterdiń ornalasqan jerin anyqtaýǵa arnalǵan LifeSignal servısin qurdy.
Premer-mınıstr sıfrlyq sheshimder kórmesiniń ekspozısııasymen tanysty. Otandyq IT-kompanııalar men startap ıeleri óz ázirlemelerin usyndy.
Olardyń ishinde IT-kompanııalar: Shai PRO – ıntellektýaldy ónimder men JI negizindegi sheshimderdiń ekojúıesi; «Best Vision Technologies» – ónerkásiptik táýekelderdi anyqtaýǵa jáne óndiristik prosesterdi qashyqtan basqarýǵa arnalǵan JI platformasy; Axellero – kúndelikti mindetterdi avtomattandyratyn jáne bıznestiń tıimdiligin arttyratyn JI agentterin qurýǵa arnalǵan platforma; Qalan – mektepter men EdTech jobalaryna arnalǵan onlaın bilim berý platformasy; Recado – munaı-gaz salasyna arnalǵan JI negizindegi sheshimder jáne Jet – kólik pen tehnıkany qysqamerzimdi jalǵa alýǵa arnalǵan sherıng-sýperapp.
Budan bólek «Paidax» – bólshek ınvestorlarǵa arnalǵan ınvestısııalyq platforma; PocketDot – kórý qabileti buzylǵan adamdar úshin Braıldiń alǵashqy magnıttik ınterfeısi; «Defect AI» – óndiristik aqaýlardy avtomatty túrde anyqtaýǵa arnalǵan JI júıesi; Protector AI – mektepterde, balabaqshalarda jáne áleýmettik mekemelerde zorlyq-zombylyqty, qorqytýdy jáne qaqtyǵystardy avtomatty túrde anyqtaýǵa arnalǵan beıne taldaý júıesi; «Esep AI» – energııa tutynýdy taldaý júıesi; «Trust Exam» – onlaın emtıhandardy avtomattandyrý jáne monıtorıng jasaý JI-platformasy; «Biometric Vision» – bıometrııalyq sáıkestendirý jáne KYC-servıs (aǵylshynsha Know Your Customer – «О́z klıentińdi bil») tehnologııalary; Mirai Tech – sensorlyq tehnologııalarǵa, bıomehanıkaǵa jáne derekterge negizdelgen ıntellektýaldy monıtorıng jáne taldaý júıeleri syndy startap-kompanııalar da óz múmkindikterin kórsetti.
Álemniń 30-dan astam elinen kelgen ınvestorlar, sarapshylar, startaptar men IT-kompanııalardyń ókilderi kelgen halyqaralyq forým 30 myńnan astam qatysýshyny biriktirdi.
