Foto: Ashyq derekkóz
Mınıstrdiń aıtýynsha, bul bastamanyń negizgi bóligi – medısınalyq derekterdi saqtaıtyn biryńǵaı qoıma. Ol osy jyldyń sońyna qaraı iske qosylmaq. Joba júzege asqanda, qazaqstandyqtar jeke medısınalyq málimetterin onlaın formatta ala alady.
Qazirdiń ózinde jasandy ıntellekt tehnologııalary otandyq klınıkalarda keńinen qoldanylyp jatyr. JI KT, MRT jáne rentgen nátıjelerin taldaý arqyly ınsýlt, pnevmonııa, ókpe aýrýlary men sút bezi obyryn anyqtaýda dárigerlerge kómek kórsetip otyr. Birqatar emhanalarda tekserý qorytyndylaryn jyldam taldaýǵa múmkindik beretin JI-kómekshiler jumys isteı bastady.
«Jasandy ıntellekt dárigerdi almastyrmaıtynyn, kerisinshe onyń múmkindikterin kúsheıtetinin, medısınany barlyq azamattar úshin zamanaýı ári qoljetimdi etetinin atap ótken jón», dedi Aqmaral Álnazarova.
Sonymen qatar sıfrlandyrýdyń alǵashqy nátıjeleri aıqyn kórine bastaǵany atap ótildi. Aqparattyq júıelerdi biriktirý medısına qyzmetkerleriniń jumys júktemesin 40%-ǵa deıin qysqartty. Pasıentterdi elektrondy sáıkestendirýdiń arqasynda tek 8 aıdyń ishinde artyq kórsetilgen qyzmet kólemi 6,7 mlrd teńgege azaıdy. Al biryńǵaı tólem júıesi aqaýlardy tabý dáldigin tórt esege arttyrdy.
