Kollajdy jasaǵan Qonysbaı ShEJIMBAI, «EQ»
Mınıstr ekonomıkany kóleńkeden shyǵarý úshin jasandy ıntellekt pen sıfrlyq teńge paıdalanylyp jatqanyn aıtty.
Jobanyń negizgi ózegi mol derekter aýqymyn taldap, salyq tóleýden jaltarý shemalaryn anyqtaý jáne salyq tóleýshiniń sıfrlyq beıinin qalyptastyrý maqsatynda jasandy ıntellekt quraldaryn paıdalanatyn Smart Data Finance júıesi bolyp otyr.
«Elektrondy shot-faktýralar berý kezinde bıometrııalyq jeke basyn anyqtaý talabynyń engizilýi 33 mıllıard teńgeden astam somaǵa jalǵan shot-faktýralar jazý áreketiniń aldyn aldy. E-tańba jobasy arqyly engizilgen avtomattandyrylǵan qadaǵalaý júıesi QQS teńgerimin tekserýge jáne «sur» shemalardy erte bastan anyqtap, jolyn kesýge múmkindik berip otyr. Qazirdiń ózinde 250 mln elektrondyq shot-faktýra jáne 500 mln tólem óńdeldi. Joba nátıjesinde bıýdjetke jylyna 100 mlrd teńgege deıin túsim túsedi dep boljanyp otyr. Odan bólek Ulttyq Bankpen birlesip «Sıfrlyq qosylǵan qun salyǵy» pılottyq jobasyn júzege asyryp jatyrmyz. Sıfrlyq teńgemen esep aıyrysý aqshany kóleńkege jasyrý jolyn buǵattap, barlyq jetkizý tizbegin ashyq etedi», dedi Mádı Takıev.
Mınıstrlik sıfrlyq teńgeni basqa da sektorlarǵa, sonyń ishinde memlekettik satyp alý salasyna da, keńinen engizýdi usynyp otyr. Sıfrlandyrý kedendik ákimshilendirý salasyna da qarqyndy túrde engizilýde. JI-tehnologııalardy ınspeksııalyq-qarap tekserý keshenderinde paıdalaný durys deklarasııalanbaǵan taýarlardy anyqtaýǵa múmkindik berip, kedendik baqylaýdaǵy adamı faktordy barynsha azaıtady.
