Forýmda aýyldaǵy jastar máselesi qozǵalyp, osy taqyryp tóńireginde qatysýshylar óz pikirlerin ortaǵa saldy. Uıymdastyrýshylar aıtyp ótkendeı, is-sharanyń basty maqsaty – Prezıdent Qasym-Jomart Toqaev aıqyndaǵan memlekettik damý isine jastardy úgitteý, olardyń eńbegi men ıdeıalyq kúsh-qýatyn paıdalaný.
Jıynda Májilis depýtaty, Agrarlyq máseleler komıtetiniń jáne «Aýyl» partııasynyń tóraǵasy Serik Egizbaev sóz bastady. Partııa jetekshisi jastardy elimizdiń bolashaǵy úshin asa mańyzdy baǵyttardyń biri jasandy ıntellekt pen sıfrlandyrýǵa belsene atsalysýǵa shaqyrdy.
– Prezıdent Qasym-Jomart Toqaev bıylǵy Joldaýynda jasandy ıntellekt pen sıfrlandyrýdyń mańyzy jóninde erekshe atap ótti. Soǵan baılanysty Úkimetke ekonomıkanyń barlyq salasyna jasandy ıntellektini engizý týraly naqty tapsyrmalar berdi. Bul – elimizdiń aldaǵy úsh jyl ishinde sıfrlyq derjavaǵa aınalýǵa jol ashatyn mańyzdy qadam. Memleket basshysy bir sózinde: «Qazaqstannyń bolashaǵy – jastardyń qolynda. Búgingi tańda júzege asyp jatqan barlyq reforma, eń aldymen, jastar úshin jasalýda. Erteńgi kúni osy ıgilikti paıdalanyp, eldi alǵa jeteleıtin de – sizder. Men úshin jastar – naǵyz shabyt kózi», degen bolatyn. Sondyqtan «Aýyl» partııasy óz qyzmetinde aýyl men qala jastarynyń ósip-órkendeýine erekshe nazar aýdarady, – dedi S.Egizbaev.
Partııa tóraǵasynyń aıtýynsha, jastardyń shyǵarmashylyq áleýetin arttyrý, kreatıvti ıdeıalary men ınnovasııalyq bastamalaryn qoldaý maqsatynda saıası uıym aýqymdy jumystardy atqaryp jatyr. Atap aıtqanda, partııanyń 25 jyldyǵyna arnalǵan «Gúldense aýyl – gúldenedi elimiz» atty debat ótti. Týrnırdiń irikteý kezeńine 17 aımaqtan mektep oqýshylary men stýdentter, jalpy sany 1 200 jas qatysty. Sondaı-aq «Kitap – rýhanııat ózegi» respýblıkalyq aksııasy aıasynda aýyldyq kitaphanalarǵa 30 myńǵa jýyq jańa kitaptar tartý etildi. Bul bastama aýyl jastarynyń bilimin kóterýge, mádenıetin joǵarylatýǵa baǵyttaldy.
Budan bólek, stýdentter arasynda «Innovasııalar. Turaqtylyq. Bolashaq» atty hakaton uıymdastyrylyp, 21 oqý ornynan 175 jas óz jobalaryn usyndy. Sondaı-aq partııada Kreatıv jáne jastarmen jumys departamenti belsendi jumys atqarady. Departament jastardyń bastamalary men shyǵarmashylyq ıdeıalaryn qoldaýǵa, olardy shynaıy iske asyrýǵa qyzmet etedi. Osy oraıda S.Egizbaev jastarda qandaı da bir úzdik, myqty ıdeıalar men usynystar bolsa, partııa olardy birge júzege asyrýǵa árqashan daıyn ekenin jetkizdi. Sol úshin «aýyldyqtar» bastamashyldyq tanytyp, eldiń sıfrlyq bolashaǵyna úles qosatyn jastardyń tabysty jobalaryna qashan da qoldaý kórsetedi dedi.
Forýmda Májilis depýtaty Erbolat Saýryqov, «Aýyl» partııasynyń Túrkistan oblystyq fılıalynyń tóraǵasy Tóregeldi Qalmuratov, Tóle bı aýdanynyń ákimi Erkeǵalı Álimqulov jáne basqa da birqatar qonaq sóz sóılep, jastarǵa ózderiniń tilekterin arnady.
Respýblıkalyq «Auyl jastary» forýmynyń sońynda barlyq qatysýshy jastar biraýyzdan Úndeý qabyldady.
«Biz, «Aýyl jastary» atty respýblıkalyq jastar forýmynyń qatysýshylary qurdastarymyzdy, onyń ishinde birlestikter men eriktiler qaýymdastyǵynyń jas múshelerin Ádiletti Qazaqstan qoǵamyn qurýǵa baǵyttalǵan Prezıdent bastamalaryn qoldaýǵa shaqyramyz. Biz qoǵamdaǵy «Zań men tártipti», eńbek adamynyń qadirin moıyndaımyz. Biz tehnologııalyq ilgerileýdiń, jasandy ıntellekt pen sıfrlyq damýdyń jańa dáýirine qadam bastyq. Bizdiń býyn óziniń bilim deńgeıimen ýaqyttyń jańa syn-qaterlerine tótep berýge tıis. Prezıdent jas urpaqqa únemi erekshe senim bildirip, memlekettik deńgeıde qabyldanatyn barlyq sheshimde olardyń máselesin eskerip otyrady. Bul – biz úshin zor múmkindik qana emes, úlken jaýapkershilik. Bul oraıda biz Memleket basshysynyń bastamalaryn júzege asyrý úshin bar kúsh-jigerimizdi, bilim men kajyr-qaıratymyzdy jumsaýǵa daıynbyz. Biz, «Aýyl» partııasynyń jastar qanaty, Úkimetti, barlyq memlekettik jáne qoǵamdyq uıymdardy aýyldyń damýyna, aýyl turǵyndarynyń ómir súrý sapasy men eńbek jaǵdaılaryn jaqsartýǵa erekshe nazar aýdarýǵa shaqyramyz!» delingen Úndeýde.
Jalpy, partııa ókilderi «Dıplommen – aýylǵa!», «Keń dala», «Agro bıznes», «Isker», «Aýyl amanaty» sııaqty túrli memlekettik baǵdarlamalardy tıimdi júzege asyrý arqyly aýyldy kórkeıtýge, Qazaqstandy ekonomıkasy damyǵan, áleýmettik jaǵdaıy jaqsy elderdiń qataryna qosýǵa bolatynyn jetkizdi. Al bul jolda jastardyń belsendiligi qajet-aq. Aýqymdy forýmnyń uıymdastyrylý maqsatynyń biri osy ıdeıaǵa jastardy uıystyrý ekeni aıan.
Túrkistan oblysy
