Foto: ashyq derekkóz
Depýtattyń aıtýynsha, el aýmaǵynda búgingi kúnge deıin 1981 jyly serııalyq óndirisi toqtatylǵan keńestik Iаk-40 jolaýshylar ushaǵy áli de paıdalanylyp keledi. Búginde bul áýe kemeleri berisi 44, árisi 55 jyl jumys istep keledi.
Qyryqbaev atap ótkendeı, 1980 jyldardyń sońynda bul qozǵaltqyshtardyń óndirisi toqtatylǵan.
«Iаk-40 ushaqtary Halyqaralyq azamattyq avıasııa uıymynyń qazirgi zamanǵy shý men shyǵaryndylarǵa qoıylatyn talaptaryna sáıkes kelmeıdi. Mundaı ushaqtardy paıdalaný Eýropalyq Odaq aýmaǵynda 2002 jyldyń 1 sáýirinen bastap tyıym salynǵan. Alaıda elimizde qaýipsizdik standarttaryna saı kelmeıtin Iаk-40 áýe kemeleri sanıtarlyq avıasııada, ıaǵnı pasıentterdi tasymaldap júr, bul adam ómirine qaýip tóndiredi emes pe?» dedi depýtat.
Halyq qalaýlysy Úkimetten birqatar naqty shara qabyldaýdy surady. Atap aıtqanda, ol Iаk-40 ushaqtaryn el aýmaǵynda paıdalanýdy toqtatý, olardy kezeń-kezeńimen shyǵarýdyń naqty kestesin usyný jáne halyqaralyq standarttarǵa saı jańa áýe kemelerin satyp alý baǵdarlamasyn ázirleý qajettigin aıtty.
