Daıyndyq barysy pysyqtaldy

Taraptar qarashanyń birinshi onkúndiginde Oral qalasynda Qazaqstan men Reseıdiń XXI О́ńiraralyq yntymaqtastyq forýmy qarsańynda ótkiziletin Yntymaqtastyq jónindegi úkimet­aralyq komıssııanyń 26-oty­rysyna daıyndyqty talqy­lady. Aldaǵy forýmnyń taqy­ryby – «Jumysshy mamandyǵy – ekonomıkalyq ósýdiń draıveri».

Otyrystyń jáne forýmnyń sheńberinde ózara is-qımyldaǵy basym baǵyttar – saýda-ekonomı­kalyq yntymaqtastyq, ónerkásip, energetıka, kólik jáne logıstıka, sondaı-aq basqa da salalardy qamtıtyn ekijaqty kelisimder paketine qol qoıylady dep josparlanyp otyr. Kezdesýge qatysýshylar ózara taýar aınalymyn arttyrý máselesine erekshe nazar aýdardy. Reseı elimizdiń iri saýda jáne ınvestısııalyq áriptesiniń biri bolyp qala beredi.

2024 jylǵy qorytyndy bo­ıynsha eki el arasyndaǵy taýar aınalymy 27,8 mlrd dollardan asyp, ótken jylmen salys­tyrǵanda 3%-ǵa ósti. Bıylǵy jylǵy jeti aıdaǵy kórsetkish – 14,4 mlrd dollar. Bul 2024 jyl­ǵy sáıkes kezeńnen 7,2%-ǵa tómen. Osyǵan baılanysty taraptar óz­ara saýdany turaqtandyrý jáne odan ári arttyrý sharalaryn talqylady.

Eki el shekarasyndaǵy kólik logıstıkasy, onyń ishinde keptelis máselesi de qaraldy. Eki tarap ta týyndaǵan qıyndyqty birlesip ári jedel retteýge da­ıyn ekenderin jetkizdi. Sonymen qatar shekaradaǵy máseleler Kólik vıse-mınıstri Maqsat Qalıaqparov pen Reseı Kólik mınıstriniń birinshi orynbasary Valentın Ivanovtyń qatysýy­men ótken kóshpeli keńeste de sóz boldy. Taraptar avtomobıl ótkizý beketterin jańǵyrtý jónindegi birlesken josparlardy kúsheıtýdi, sondaı-aq jobalardy iske asyrý merzimin 2030–2032 jyldardan 2026–2027 jyldarǵa aýystyryp, jedeldetý máselesin talqylady. Budan bólek, avtojol jobalary men Reseıge shyǵatyn halyqaralyq kólik dálizderin damytýǵa, sonyń ishinde elimizdiń tranzıttik áleýetin arttyrý jáne syrtqy ekonomıkalyq baılanystardy keńeıtý turǵysynan strategııalyq mańyzy bar «Soltústik – Ońtústik» baǵytyna erekshe nazar aýdaryldy.

Keńes barysynda halyqara­lyq avtomobıl tasymaldary, júk aınalymy jáne júrgizý­shisiz kólik quraldary másele­leri de qaraldy. Jekelegen ótkizý beketterindegi qazirgi jaǵdaı tal­qylanyp, Reseı tarapy­nan bul másele quzyretti organdardyń erekshe baqylaýynda ekenin habarlady. Tıisti vedomstvolar arasyndaǵy ózara is-qımyl jumys tártibinde ári syndarly túrde jalǵasyp jatqany aıtyldy.