«Kópten beri tegimdegi «ov» jalǵaýyn alyp tastaǵym kelip júrgen. Biraq meniń ákemniń esimi kezinde orystandyrý kezinde burmalanyp, «Halyq» sózi «Kalık» bolyp ketken. Sonyń saldarynan meniń tegim de «Kalıkov» bolyp jazyldy», deıdi ol.
Alǵashynda Halyqqa qyzmet kórsetý ortalyǵynda qyzmetkerler tekti «Qalyq» dep jazýdy usynǵan. Biraq bul nusqa kóńilinen shyqpaǵan soń, ol Til bilimi ınstıtýtyna baryp, resmı anyqtama alǵan. Ǵalymdar «Kalık» sózi qazaq tilinde joq, onyń túpnusqasy «Halyq» degen qorytyndy bergen. Sonyń negizinde ol týý týraly kýáligin, jeke kýáligin, pasporty men basqa qujattaryn kezeń-kezeńimen jańartqan.
«Meniń AQSh eline 10 jyldyq vızam bar edi. Sol úshin ýaıymdadym. Biraq bári ońaı eken. Vızasy bar eski pasport jaramsyz bolmaıdy. Tek ony merzimi bitkenshe ózińizben birge ustaısyz. Jańa pasportpen birge kórsetý jetkilikti», deıdi Maqsat Halyq.
Dıplom men basqa resmı qujattarǵa qatysty da alańdaýdyń qajeti joq. Halyqqa qyzmet kórsetý ortalyǵy «azamattyń aty-jóni ózgergeni rastalady» degen anyqtama beredi. Sol anyqtama barlyq jerde jaraıdy.
«Aty-jónińizdi qazaqsha jazyp, ulttyq bolmysyńyzǵa saı etý – ýaqyt pen tabandylyqty talap etetin sharýa. Biraq qorqýdyń qajeti joq. Árqaısymyz osylaı áreket etsek, tilimizge de, ulttyq sanaǵa da qurmet arta túsedi», deıdi ol.
