Álemdik basylymdar New Shepard zymyrany Jer atmosferasy men ǵaryshtyń shartty shekarasy sanalatyn Karman syzyǵyna deıin jetip, ekıpajdyń shtattyq rejımde qaıtadan jerge qonǵanyn birinen soń biri habarlap jatyr.
Jerge aman-esen oralǵan Danna birinshi kezekte jerlesterimen tildesýge ýaqyt tapty.
«Ǵaryshqa sapar aldyndaǵy kóńil-kúıimniń dınamıkasyn jetkizip beretin sóz taba almaı otyrmyn. Zymyrannyń kóterilý sáti erekshe áserli boldy. Aspanǵa ushyp bara jatqan kezde deneńniń árbir talshyǵynyń dirilin sezesiń. Onyń bárin qalypty jaǵdaı dep qabyldaısyń.
Salmaqsyzdyqtyń qandaı bolatynyn buryn talaı ret oılaǵanmyn, oılarym túısigimdi aldamapty. Kapsýla satydan ajyraǵan sátte, sanamnyń bir bóligi ádettegi shekteýlerden tys ketkendeı kúı keshtim: mendegi jer planetasyna tán sezimniń bári joǵalyp, tek sheksizdik sezimi qaldy. Taýdy jaqsy kóretin adam retinde aıtarym — bul sezim shyńǵa shyqqan sáttegideı», - deıdi Danna.
Onyń aıtýynsha, álemniń qanshalyqty keń ekenin kórip, ózińniń keńistikte kishkentaı ǵana bólik ekenińdi uǵasyń.
«Esimde máńgi qalatyn bir kórinis: qara keńistiktegi jarqyraǵan, tolyq Aı jáne juqa kógildir atmosferalyq qabaty bar Jer. Sol sátte adamzattyń, ǵalam aldynda qanshalyqty názik ári kishkentaı ekenin tereń túsinesiń. Salmaqsyzdyq kezinde anama, jer betindegi barlyq analarǵa sálem joldadym. О́zim de anamyn, tipti armanyńnyń oryndaýly múmkin emes bolyp kórinse de, balaǵa qoldaý kórsetýdiń qanshalyqty mańyzdy ekenin jaqsy bilemin. Ǵaryshǵa árbir sát ishki dúnıemmen jumys jáne turaqty negiz qalyptastyrý joly ekenin ǵaryshtyq túısikpen sezdim. Men ǵaryshqa kóterilý múmkindigi, sol daıyndyqtyń, tepe-teńdikti saqtaı bilýdiń jáne kez kelgen jaǵdaıda óz-ózińdi ustaı alýdyń nátıjesi ekenine senimdimin», - dedi Danna qyz.
Danna Portals dep atalatyn jańa IT-jobany ázirlep jatqan komandamen jumys istep jatyr. Bul joba ózin-ózi retteý tehnologııalaryna, mentaldy gıgıena men ishki tepe-teńdikke arnalǵan.
«Biz sanany damytý, ishteı ósý ádisteri jáne adamnyń aqylymen bolashaqtaǵy ózara árekettesýin zerttep jatyrmyz. Jobany 2026 jyldyń ortasyna qaraı bastaımyz. Bizdiń jobamyz dál osyndaı izdenistegi adamdardyń júregine jetedi dep senemin. Blue Origin kompanııasyna sheksiz alǵysymdy bildiremin — olar ǵaryshty búkil álem adamdaryna qoljetimdi etip otyr. Bul — zertteý men qaýipsizdikti bir deńgeıde ustaı otyryp, jańa býyn zertteýshileri men armandaýshylaryna múmkindik beretin bolashaqqa baǵyttalǵan kompanııa», - deıdi Danna.
Ǵaryshkerler aýylynda bolǵan Danna Qaraǵusova uly Aıtýarmen birge Qazaqstandy tanystyryp, ekıpaj múshelerine jáne Blue Origin qyzmetkerlerine elimizdiń mádenı murasy men tabıǵaty týraly aıtyp berdi
Qazaqtyń qonaqjaı dástúrine saı, ol árbir ekıpaj múshesine jáne kompanııa tobyna estelik syılyqtar tabystady. Bul izgi qadam ushýǵa qatysqan barlyq adamdar tarapynan erekshe yqylaspen qabyldanǵany sonshalyqty ekıpaj biraýyzdan ózderin Space Nomads («Ǵarysh kóshpendileri») dep ataýǵa sheshim qabyldady.
«Adamdarǵa bul ataý qatty unady, onda bárimizge ortaq bir rýh bar edi: qozǵalys, izdenis pen jylylyqty qaı jerde bolsań da saqtaý qabileti», — dedi Danna.
Danna Qaraǵusovanyń Blue Origin mıssııasyna qatysýyn álem ǵaryshqa ushý emes, adam rýhynyń sheksiz múmkindikterin tanýǵa baǵyttalǵan qadam dep qabyldady. New Shepard baǵdarlamasynyń aǵa vıse-prezıdenti Fıl Djoıstyń sózimen aıtqanda, búgingi mıssııa — ekıpajdyń zertteýge degen yqylasynyń jalǵasy.
«Jerdi joǵarydan kórý múmkindigi adamnyń dúnıetanymyna tereń áser etedi. Bul tájirıbe bizdiń planetamen baılanysymyzdy kúsheıtip, múmkindiktiń shekarasyn keńeıtýge shabyt beredi» deıdi Fıl Djoıs.
