Jańa dárigerlik ambýlatorııa

Nysan qurylysyna Arnaýly memlekettik qordan shamamen 190 mln teńge qarjy bólingen. Zamanaýı qural-jabdyqtar­men qamtamasyz etilgen ǵımarat­ta emdik kabınetter, alǵashqy járdem kórsetetin jáne zerthana bólmesi bar. Qazirde emdeý mekemesine jalpy tájirıbedegi dáriger, feldsher men birneshe medbıke jumysqa qabyldan­dy. Aqtóbe qalasynan 55 shaqy­rym qashyqtyqta ornalasqan Marjanbulaq eldi mekeninde tórt myńǵa jýyq adam turady. Respýb­lıkalyq mańyzy bar avtokólik jolyna jaqyn or­nalasqan osy aýylǵa jyl saıyn­ qonys aýdarýshylar kóbeıip keledi. Jurt Aqtóbe qalasyna ne Alǵaǵa qatynap dárigerge kórinýdiń qıyndyǵyn aıtyp, Marjanbulaqtan em-dom júr­gizetin mekeme salynýyn kópten usynys etip júrgen. Aıta ketý kerek, Alǵa aýdanynda 44 myńǵa jýyq adam turady. Otyz eldi mekeni bar.

«Aýylda densaýlyq saqtaýdy jańǵyrtý» ulttyq jobasy aıasynda búginde Aqtóbe oblysynda júzege asyrylyp jatqan 11 emdeý mekemesiniń kóp­shiligi shalǵaı aýyldarda­ǵy dárigerlik ambýlatorııalar. Bıyldyń ózinde tórt emdeý mekemesi paıdalanýǵa beril­se, jeti qurylys aıaqtalýǵa ja­qyn. Osydan birer aı buryn Yrǵyz aýdany Jarma aýyly men Baıǵanın aýdany Noǵaıty ­aýylynda emdeý mekemeleri jumys isteı bastady. Jyl aıaǵyna de­ıin jańa nysandardy iske qosý jumysy jalǵasady.

Aqtóbe oblysy