Qala ákimi Darhan Satybaldy forýmda sóılegen sózinde Almatynyń óńirdegi bıznes, týrızm jáne kreatıvti ındýstrııalar úshin tartymdy ortalyq ekenin atap ótti.
Qazirgi tańda Almaty kreatıvti ındýstrııanyń jetekshi ortalyǵy mártebesin saqtap otyr. Týrızm ortalyǵy retinde de qalanyń geografııalyq ári aımaqtyq erekshelikteri basym. Qala basshysy Darhan Satybaldy forým aıasynda Booking.com, Priceline.com jáne uBid. com,-nyń teń quryltaıshysy, tanymal ınvestor jáne kásipker Djeff Hoffmanmen kezdesip, kásipkerlikti qoldaý, ınnovasııalyq ekojúıeni damytý jáne qala ekonomıkasyna ınvestısııalar tartý máselesin talqylady. Startaptar aýqymyn keńeıtý jáne qazaqstandyq kompanııalardyń halyqaralyq naryqqa shyǵýy da taraptar nazarynan tys qalmady.
Forým aıasynda qarjylanýy 40 mln dollarǵa jýyq kreatıvti ındýstrııalardyń elimizdegi alǵashqy qalalyq venchýrlyq qoryn qurý týraly kelisimge qol qoıý kózdelgen. kıno, dızaın, sıfrlyq mazmun jáne oıyn ındýstrııasyndaǵy jobalar osy qor tarapynan qarjylanatyn bolady. Aýqymdy jobalardyń iske asýymen qala ekonomıkasy damyp, eldiń qarjy jáne iskerlik ortalyǵy retindegi róli nyǵaıa túspek.
Forým aıasynda paneldik pikirtalastar, kórmeler, sheberlik dáristeri men kelissózder ótip jatyr.
ALMATY
