Stellanyń saltanatty ashylý rásimine Almaty oblysy ákiminiń orynbasary Ǵanı Maılybaev qatysyp, aýyl turǵyndaryn qýanyshtarymen quttyqtady. Sharaǵa sondaı-aq TÚRKSOI Jazýshylar odaǵynyń tóraǵasy, aqyn Ulyqbek Esdáýlet, oblystyq ardagerler keńesiniń tóraǵasy Erbolat Turymbetov, Ile aýdanynyń ákimi Qaıyrjan Jaqsymbetov jáne aýyl turǵyndary, zııaly qaýym ókilderi qatysty.
«Biz uly tulǵalardyń eńbegin dáripteı otyryp, urpaǵymyzdy ónerge, bilimge, eldikke tárbıeleımiz. Shoqtyǵy bıik kompozıtordyń murasy halqymyzdyń júreginde máńgilik saqtalyp, urpaqqa mura bolyp jalǵasa beretin bolady», – degen Ulyqbek Esdáýlet stellanyń boı kóterýine atsalysqan atymtaı jomart jandarǵa alǵysyn bildirdi.
Kúı qalyqtaǵan is-shara sońynda stella ornatylǵan alańǵa aǵash kóshetteri otyrǵyzdy.
Eske salsaq, buǵan deıin Almaty oblysynda Nurǵısa Tilendıevtiń 100 jyldyq mereıtoıyna oraı eskertkish pen mádenıet úıi ashylǵan bolatyn. Sondaı-aq óńirdiń ónerpazdary men qolóner sheberleri uly kompozıtordyń mereıtoıyna arnalǵan is-sharalar aıasynda Pekın, Bishkek jáne Máskeý qalalarynda Qazaqstan mádenıetin joǵary deńgeıde tanystyrdy.
Jalpy, Nurǵısa Tilendıevtiń IýNESKO kóleminde atalyp jatqan 100 jyldyq mereıtoıy aıasynda jyl basynan beri respýblıkalyq jáne halyqaralyq deńgeıdegi mádenı is-sharalar júıeli túrde uıymdastyrylyp keledi.
Almaty oblysy.
