Foto: Zakon.kz
Bıyl da qala boıynsha aýqymdy baǵdarlama ázirlenip, is-sharalar legi qazan aıynyń basynan bastap jalǵasady. Merekelik jospar aıasynda konsertter, kórmeler, sporttyq jarystar, ádebı jáne ǵylymı kezdesýler, qaıyrymdylyq aksııalary, sondaı-aq el táýelsizdigi men birligin dáripteıtin mádenı jobalar qamtylǵan. Baǵdarlama tek qalanyń ortalyq bóliginde ǵana emes, turǵyn alaptarda, mektepterde, mádenıet úılerinde jáne sport nysandarynda ótedi.
Is-sharalar barysynda túrli salada eńbek etip júrgen úzdik mamandar, ardagerler men qoǵamdyq belsendi azamattar marapattalady. Al bilim berý uıymdarynda oqýshylar men jastar úshin pikirtalas týrnırleri, shyǵarmashylyq baıqaýlar, esse men óleń oqý konkýrstary, tanymal tulǵalarmen kezdesýler jáne patrıottyq chellendjder ótkiziledi.
Qazan aıynyń 1-22 aralyǵynda elordada «Qalamger ustahanasy» atty ádebı joba jalǵasyp jatyr.
16 qazanda Azamattyq bastamalar ortalyǵy «Azamattyq biregeılikti qalyptastyrý: ulttyq qundylyqtardyń róli» taqyrybynda semınar ótkizedi.
16-17 qazanda Saryarqa aýdanynda muǵalimder arasynda ákim kýbogyna arnalǵan voleıbol jarysy men ulttyq oıyndardan spartakıada ótedi.
17 qazanda №50 «Qazǵarysh» mektep-lıseıinde «Asyl mura» respýblıkalyq óner baıqaýynyń qalalyq kezeńi uıymdastyrylsa, №117 mektepte «Qazaǵym dep soǵady júregim» atty patrıottyq ánder baıqaýy ótedi. Osy kúni Nura aýdanynda áleýmettik jaǵynan az qamtylǵan otbasylarǵa kómek kórsetý maqsatynda «Janashyr júrek» qaıyrymdylyq aksııasy ótedi.
18 qazanda elorda jurtshylyǵy úshin eń qyzyqty sporttyq oqıǵalardyń biri – «Qazaqstan Barysy» týrnıri «Barys Arena» muz saraıynda ótedi. Oǵan respýblıka boıynsha úzdik balýandar qatysady. Sol kúni Paralımpıadalyq daıyndyq ortalyǵynda bochcha sportynan ashyq týrnır uıymdastyrylsa, Syǵanaq kóshesindegi sport kesheninde Penchak sılattan jarys ótedi. Sonymen qatar «Azııa Park» saýda ortalyǵynda «Republic Day» aksııasy aıasynda tarıhı-kórkem fılmniń kórsetilimi bolady.
18-19 qazan kúnderi «Esirtkige qarsy sport» atty ashyq týrnırde 12-21 jas aralyǵyndaǵy jastar sporttyń birneshe túrinen synǵa túsedi. Al 19 qazanda Almaty aýdany muǵalimderi arasynda voleıbol jarysy ótedi.
20 qazanda «Sharapat» áleýmettik qyzmet kórsetý ortalyǵynda «Qazaqstan Respýblıkasynyń memlekettik egemendigi týraly deklarasııanyń qabyldanǵanyna 35 jyl» taqyrybynda ádebı-aǵartýshylyq saǵat uıymdastyrylady. Sondaı-aq «Rýhanııat» KMM-de «Otanym meniń – Qazaqstan» atty dóńgelek ústel, al Esil aýdanynda Ulttyq akademııalyq kitaphanamen birlesken «Táýelsiz Qazaqstan» atty patrıottyq sabaq ótedi.
Dostyq úıinde «Mámile» pikir klýbynyń sabaǵy, memlekettik qyzmetshilerge arnalǵan «Memleket jáne din: ózara yqpaldastyqtyń qazirgi úrdisteri» atty semınar, sondaı-aq «Azııa Park» SOO-da fılm kórsetilimi josparlanǵan. Sol kúni Baıqońyr aýdanyndaǵy №3 mektepte «Ulttyq kıim aptalyǵy» bastalyp, Almaty aýdanynda az qamtylǵan otbasylarǵa arnalǵan «Janashyr júrek» aksııasy ótedi.
20-25 qazan aralyǵynda №3 Balalar mýzykalyq mektebi «Qyran elim – Qazaqstanym!» atty patrıottyq chellendj ótkizedi. Sonymen qatar áleýmettik jelilerde «Meniń Respýblıkam – meniń tańdaýym!» atty onlaın-chellendj uıymdastyrylady.
21-25 qazan aralyǵynda elordada respýblıkalyq sýretshiler sımpozıýmy ótedi. 21-24 qazan kúnderi «Nurly júrek» ortalyǵynda «Meniń Otanym – Qazaqstan» atty fotokórme kórermen nazaryna usynylady.
21 qazanda Memlekettik rámizder alańynda turǵyndar men jastar Qazaqstan Respýblıkasynyń Memlekettik gımnin oryndap, fleshmob ótkizedi. Sol kúni Táttimbet atyndaǵy №1 óner mektebinde «Máńgilik jasa, qyran elim – Qazaqstanym!» atty dáris-konsert jáne «Qoljazba – tarıhtyń rýhanı qazynasy» atty ǵylymı-tanymdyq semınar ótedi. Sonymen qatar «Saryarqa juldyzy» patrıottyq ánder baıqaýy men azamattyq belsendilikke arnalǵan jastar trenıngi uıymdastyrylady.
22 qazanda «Demeý» ortalyǵynda «Respýblıkanyń mártebesi – halyq birliginde» atty konsert, «Sharapat» ortalyǵynda merekelik baǵdarlama jáne «О́ndiris» sport kesheninde jas sportshylar arasynda qazaq kúresinen ashyq birinshilik ótedi. Sol kúni №99 mektepte «Elimniń úni – júregimniń úni» fleshmoby, Ulttyq mýzeıde Esil aýdanynyń mektep oqýshylaryna arnalǵan ekskýrsııa jáne Ál-Farabı atyndaǵy Oqýshylar saraıynda «Elim degender!» respýblıkalyq shyǵarmashylyq baıqaýy ótedi.
Sol kúni azamattyq qoǵam ókilderi qoǵamdyq kelisim men áleýmettik damý máselelerin talqylaıtyn dıalog alańynda bas qosady. Al Dostyq úıinde «Dástúr men birlik – bir shańyraq astynda» atty festıval ótedi.
23 qazanda Azamattyq bastamalar ortalyǵy «Qazaqstan Respýblıkasynyń evolıýsııasy: tarıhı jol jáne damý keleshegi» atty dóńgelek ústel ótkizedi. Sol kúni mektep parlamentteri tóraǵalarynyń ınaýgýrasııasy, Ulttyq arhıvte kitap kórmesi, Nazarbaev ýnıversıtetinde «Republic Day» konserti, «О́ndiris» sport kesheninde dástúrli «Baıqońyr barysy» týrnıri ótedi.
23 qazanda Almaty aýdanynda erekshe balalarǵa arnalǵan «Orda» ortalyǵy ashylady. Belsendi uzaq ómir súrý ortalyǵynda konsert uıymdastyrylyp, kelesi kúni, 24 qazanda zeınetkerler arasynda shahmat týrnıri ótedi.
24 qazanda elorda turǵyndary «Qazaqstan Respýblıkasy: ıdeıa tarıhy jáne ınstıtýsıonaldyq qalyptasý joly» taqyrybyndaǵy ashyq dáristi tyńdaı alady. Sol kúni «Nurly júrek» ortalyǵynda fotokórme, «ALJIR» memorıaldyq kesheninde «Qazaqstan – týǵan elim, uly ólkem!» atty aksııa, al Esil ýnıversıtetinde eltańba avtory Jandarbek Málibekovtiń qatysýymen dáris ótedi. Almaty aýdanynda áleýmettik osal azamattarǵa azyq-túlik sebetteri taratylady.
25 qazanda Ázirbaıjan Mámbetov atyndaǵy memlekettik drama jáne komedııa teatrynda «Sáıgúlik» spektakli qoıylady. Trıatlon parkinde merekelik júgirý sharasy, al Esil jaǵalaýynda Qazaqstan halqy Assambleıasynyń etnomádenı ortalyqtarynyń qatysýymen konsert ótedi.
Sol kúni «Mega Silk Way» jáne «Abu Dhabi Plaza» saýda ortalyqtarynda dombyra tartý, mýzykalyq kvartet óneri, balalarǵa arnalǵan oıyndar men sýret salý sheberlik sabaqtary uıymdastyrylady. 25-27 qazan aralyǵynda «Dáýlet» tennıs ortalyǵynda áýesqoılar arasyndaǵy týrnır ótedi.
Mereke kúnderi turǵyn alaptarda estrada juldyzdarynyń qatysýymen konsertter men halyqtyq serýender uıymdastyrylady.
