Foto: Sý resýrstary jáne ırrıgasııa mınıstrligi
8 shaqyrymnan asatyn «Kóshim» kanaly, uzyndyǵy 3 shaqyrymnan asatyn sý qoımasynyń bógeti, sondaı-aq Pervomaı, Býdarın, Kırov-Chıjın kanaldary jóndelip jatyr.
Sý resýrstary jáne ırrıgasııa mınıstrliginiń málimetinshe, sonymen qosa, uzyndyǵy 2,2 shaqyrymnan asatyn eki elektr jelisi jáne 3,77 shaqyrymdyq syrtqy jaryqtandyrý júıesi salynyp, beınebaqylaý, avtomattandyrylǵan eskertý júıeleri jáne baqylaý-ótkizý pýnktteri ornatylyp jatyr.
Sala mınıstri Nurjan Nurjigitov aıtýynsha joba júzege asqan soń Kırov sý qoımasynyń beriktigi artyp, tutynýshylarǵa sýarmaly sý úzdiksiz beriledi.
«Rekonstrýksııa nysannyń syıymdylyǵyn ulǵaıtyp, onyń fýnksıonaldyq múmkindikterin jaqsartady. Nátıjesinde oblystyń 12 myń gektardan astam egistik alqaptary sýmen qamtamasyz etiledi», dedi N.Nurjigitov.
1967 jyly paıdalanýǵa berilgen, jalpy syıymdylyǵy 62,9 mln tekshe metrdi quraıtyn Kırov sý qoımasy – Oral-Kóshim sýarý jáne sýlandyrý júıesiniń mańyzdy bóligi.
