Foto: energyprom.kz
Osyǵan oraı Úkimette Úkimet músheleriniń, basqa da memlekettik organdar men uıymdar basshylarynyń qatysýymen Memleket basshysynyń azamattar múddesi úshin ekonomıkalyq reformalar baǵdarlamasyn júzege asyrýdy retke keltirý jónindegi tapsyrmalaryn oryndaý máseleleri boıynsha keńes ótti. Jıynda 2026 jyldyń I toqsanynyń sońyna deıin barlyq tutynýshylar toby úshin kommýnaldyq qyzmetter tarıfterin kótermeý sheshimi de qabyldandy.
Ulttyq ekonomıka vıse-mınıstri Asan Darbaev elektr, jylý, sý, gazben jabdyqtaý jáne káriz syndy kommýnaldyq qyzmetterge baǵany kóterýge moratorıı engizilgenin málimdedi.
«Memleket basshysynyń tapsyrmasy boıynsha Úkimet halyqtyń turmys sapasyn arttyrýǵa, ekonomıkany jaqsartýǵa baǵyttalǵan sharalar keshenin ázirledi. Birinshi kezekte 2026 jyldyń birinshi toqsanynyń sońyna deıin tarıfterdiń ósýin tejeý máselesi qozǵalady. Biz elektrmen, jylýmen jabdyqtaý, sýmen, káriz jáne gazben jabdyqtaý sııaqty kommýnaldyq qyzmetter týraly aıtyp otyrmyz. Bul ómirlik mańyzdy salalar. Osy oraıda biz atalǵan qyzmetterdiń tıisti sapasyn, barlyq ınvestısııalyq is-sharalardyń oryndalýyn jáne TKSh ınfraqurylymynyń turaqty, úzdiksiz jumysyn qamtamasyz etemiz», dedi ulttyq ekonomıka vıse-mınıstri.
