Baıqaýǵa Qazaqstan, Ázerbaıjan, Armenııa, Belarýs, Qyrǵyzstan, Reseı, Tájikstan jáne О́zbekstannan kelgen avıasııa uıymdarynyń ókilderi qatysýda. Bul – óz salasynyń úzdik mamandary, olar shynaıy jumys jaǵdaıyna barynsha jaqyndatylǵan teorııalyq jáne praktıkalyq synaqtardan ótýde.
Mundaı aýqymdy baıqaý sońǵy jeti jylda alǵash ret ótkizilip otyr — aldyńǵysy 2018 jyldyń naýryzynda Sankt-Peterbýrg qalasynda ótken bolatyn. Bıylǵy shara búkil Eýrazııa aımaǵyndaǵy avıasııa salasy úshin mańyzdy oqıǵaǵa aınalyp, aeronavıgasııa salasyndaǵy mamandar men sarapshylardy bir kásibı alańda toǵystyrdy.
Baıqaýdyń qazylar alqasy áýe qozǵalysyn basqarý salasynda úlken tájirıbesi bar, «Eýrazııa» úılestirý keńesine múshe elderdiń tanylǵan kásibı mamandary men sarapshylarynan quralǵanyn erekshe atap ótken jón.
Baıqaý tórt kezeńnen turady. Birinshi kúni komandalar aldyn ala daıyndalǵan úı tapsyrmalaryn — áýe qozǵalysyn uıymdastyrý salasyndaǵy ózekti taqyryptarǵa arnalǵan jobalaryn usyndy. Qatysýshylar óz ıdeıalarynyń mánin ashyp, tańdalǵan baǵyttardyń mańyzdylyǵyn túsindirýge tyrysty. Ekinshi kezeńde teorııalyq bilim deńgeıi men aǵylshyn tili bilimi tekserildi. Úshinshi kezeńde dıspetcherlik trenajıorda praktıkalyq tapsyrmalar oryndaldy. Tórtinshi týr — tosynsyı-baıqaýy, onda qatysýshylardyń stresske tózimdiligi men standartty emes jaǵdaıda jedel sheshim qabyldaý qabileti baǵalanady.
Reseı quramasynyń múshesi Aleksandr Lomakınniń aıtýynsha, barlyq komandalar áýe qozǵalysyn uıymdastyrý júıesindegi ózekti máselelerge arnalǵan qyzyqty jobalardy usyndy. Taqyryptar qatarynda — ushqyshsyz áýe apparattaryn paıdalaný, aýysym barysynda qyzmetkerlerdiń sharshaýyn baqylaý jáne salanyń qazirgi zamanǵy syn-qaterlerin kórsetetin basqa da baǵyttar boldy. Ol ár eldiń mamandary qandaı máselelerge tap bolyp jatqandyǵyn jáne olardyń sheshý joldaryn bilý óte qyzyqty bolǵandyǵyn atap ótti.
Qazaqstan quramasynyń ókili Tımýr Navrýzov navıgasııa salasynyń qarqyndy damyp kele jatqandyǵyn tilge tıek etti. Qatysýshylardyń prezentasııalary búgingi kúni jasandy ıntellektini engizý, ushqyshsyz ushý apparattarynyń damýy, áýe keńistiginiń qurylymyn jetildirý jáne basqa da mańyzdy baǵyttar boıynsha belsendi jumys júrgizilip jatqanyn kórsetti. Onyń aıtýynsha, bul — kún saıyn júrip otyratyn úderis, al mundaı baıqaýlarǵa qatysý bolashaq kásibı qyzmette paıdaly bolatyn daǵdylardy damytýǵa kómektesedi.
Baıqaý barysynda komandalyq jumys, stresske tózimdilik jáne sheshim qabyldaýdaǵy dáldikke erekshe nazar aýdarylady — bul naqty jaǵdaılarda dıspetcher mamandyǵy úshin asa mańyzdy qasıetter. Baıqaýdyń negizgi maqsattary — óńirdiń eń myqty dıspetcherlerin anyqtaý, qatysýshylar arasyndaǵy tájirıbe almasý men kásibı daıarlyq deńgeıin arttyrý, ÁQB salasyndaǵy zamanaýı tehnologııalar men ozyq tájirıbelerdi kórsetý, sondaı-aq áýe qozǵalysynyń qaýipsizdigi men tıimdiligin arttyrý maqsatynda halyqaralyq yntymaqtastyqty nyǵaıtý.
О́tip jatqan baıqaý — bul tek jarys qana emes, sonymen qatar kadrlyq áleýetti damytý men qatysýshy elder arasyndaǵy kásibı baılanystardy nyǵaıtýdaǵy mańyzdy qadam. Ol mamandardy daıarlaýdyń joǵary standarttaryn kórsetip, Qazaqstannyń Eýrazııa aımaǵyndaǵy azamattyq avıasııa salasyndaǵy jetekshi el retindegi bedeliniń artyp kele jatqanyn dáleldeıdi.
Aıta ketý kerek, Almatydaǵy Azamattyq avıasııa akademııasy baıqaýdyń teń uıymdastyrýshysy ǵana emes, sonymen qatar óńirdegi avıasııa salasyna mamandar, sonyń ishinde avıadıspetcherlerdi daıyndaıtyn jetekshi oqý oryndarynyń biri bolyp tabylady. Akademııanyń oqý baǵdarlamalary halyqaralyq standarttarǵa saı kelip, zamanaýı áýe qozǵalysy jaǵdaıynda tıimdi jumys isteı alatyn joǵary bilikti kadrlardy daıarlaýǵa baǵyttalǵan.
Baıqaý jeńimpazdary búgin anyqtalady. Sońǵy kúni tórt kezeńniń qorytyndylary shyǵarylyp, bilim deńgeıi, kásibı daǵdylary men sapalaryn joǵary deńgeıde kórsetken eń úzdik dıspetcherlerdiń esimderi atalady.
Almaty
