Kýágerlerdiń aıtýynsha, oqýshylardyń biri óz synyptasyna pyshaq jaraqatyn salǵan.
BQO polısııa departamentiniń málimetinshe, Terekti aýdanyndaǵy mektepterdiń birinde bolǵan bul buzaqylyq áreketke baılanysty sotqa deıingi tergeý amaldary bastaldy.
Aldyn ala derekter boıynsha, janjal oqýshylar arasyndaǵy ózara kelispeýshilikten týyndaǵan.
– Kúdikti oqýshy ustalyp, polısııa bólimine jetkizildi. Sonymen qatar, janjalǵa qatysy bar kámeletke tolmaǵandardyń ata-analaryna balalardy tárbıeleý jónindegi mindetterin tıisinshe oryndamaǵany úshin shara qoldanylady. Materıaldar aýdan ákimdigi janyndaǵy kámeletke tolmaǵandar isteri jónindegi komıssııaǵa jiberildi, – dep habarlady polısııa departamentiniń baspasóz qyzmeti.
Qazirgi ýaqytta oqıǵanyń barlyq mán-jaıy anyqtalyp jatyr. Qylmystyq istiń tergeý barysy BQO polısııa departamenti basshylyǵynyń erekshe baqylaýynda.
