Jabyq kórsetilimi 23-i kúni Almatyda ótetin kórkem fılmdi erekshe ataýymyzdyń sebebi bar. Týyndy jelisi sonaý 2011 jyldyń 12 qarashasynda Taraz qalasynda eldi dúr silkindirgen aýyr oqıǵaǵa qurylǵan. Qarý-jaraq dúkenine jasalǵan qarýly shabýyl sońy qaıǵyly jaǵdaıǵa ulasyp, beıbit turǵyndar arasynda úlken úreı týǵyzdy. Jıhad ıdeıasyn ustanǵan qylmysker birneshe qarýly shabýyl jasap, sonyń saldarynan qaýipsizdik jáne quqyq qorǵaý organdarynyń qyzmetkerleri qaza tapty. Oqıǵa sońynda ol ózin-ózi jaryp jiberip, qaıǵyly jaǵdaımen aıaqtaldy.
Sol kún halyq jadynda polısııa kapıtany Ǵazız Baıtasovtyń esimimen máńgi saqtaldy. Ol ózin qurban etip, ondaǵan adamnyń ómirin saqtap qaldy. Myna «Kapıtan Baıtasov» fılmi – sol erliktiń esteligi. Batyrdyń bul erligi otansúıgishtiktiń, paryz ben adaldyqtyń rámizine aınaldy dese bolǵandaı.
«Kapıtan Baıtasov» fılmi – drama men ekshn janryndaǵy kórermendi tereń oıǵa jeteleıtin fılm. Jańa týyndy erlik pen adamgershilik, ar men namysty áıgileıdi.
Kórkem týyndynyń qoıýshy rejısseri – Dáýren Qamshybaev. Basty rólderdi tanymal ártister Azamat Satybaldy, Erkebulan Daıyrov, Asan Majıt, Darhan Súleımenov, Qobylandy Bolat, Samal Eslıamova somdaıdy.
