Áleýmettik sala men ónerkásiptegi startaptar qoldaý tabady

Otandyq  Paradigm Shift (CodiPlay) kompanııasynyń ókil­deri jańa jobalardyń júzege asyrylý barysy týraly aıtyp berdi. AI Kitap  – bul mektep pánderi boıynsha ár oqýshynyń deńgeıine qaraı oqý materıalyn laıyqtaýǵa arnalǵan, progreske taldaý jasaıtyn ári bilimdegi olqylyqtardy anyqtaıtyn  sıfrlyq oqýlyq. Onyń jumys nusqasy ázirlendi, AI Kitap AITU-men ıntegrasııalanyp jatyr.

OlympIQ – sportty damytý­ǵa arnalǵan tehnologııalyq platforma. Júıe analıtıkalyq, ope­ra­­sııalyq, medısınalyq, uıym­­das­tyrýshylyq derekterdi ja­sa­n­dy ıntellekt arqyly óń­deýge múm­kindik beredi. Onyń jol kartasy ázirlendi, prototıp­ter­diń alǵashqy nusqalary daıyndaldy.

Premer-mınıstrge AI Kitap jáne OlympIQ jobalaryn qanatqaqty rejimde engizý qa­ras­tyrylatyn mektepter men sport federasııalarynyń tizbesi jasal­ǵany aıtyldy.

«Jasandy ıntellekt tehnologııalaryn damytý – Úkimet­tiń basty mindeti. Biz otandyq kompanııalardyń ónimderin jan-jaqty qoldaýǵa daıynbyz», dedi O.Bektenov.

Buǵan qosa kezdesýde kompa­nııa­nyń óndiristik úderisterdi ońtaılan­dyrýǵa, energetıka men kólik salalarynyń tıimdili­gin arttyrýǵa, operasııa­lyq shy­ǵyn­dardy azaıtýǵa, táýekelder­di basqarýǵa kómektesetin tehno­lo­gııalardy jasap shyǵarý bas­tamalary qaraldy. Onyń ónim­derine mańyzdy salalarǵa engizil­gen derekterdi taldaý, boljaý men avtomattandyrýdyń ıntellektýaldy júıeleri kiredi.

Kezdesý qorytyndysy bo­ıynsha ýákiletti organdarǵa IT-ma­man­­dardyń aıtqan usynys­taryn qa­rastyrý týraly tapsyrma berildi.