Jıynǵa Mańǵystaý oblystyq densaýlyq saqtaý basqarmasynyń basshysy Bekbolat Izbasarov, Túrkııanyń «MLP Care» jáne «UMC Medical @ Mediast Medical Travel» medısınalyq uıymdarynyń basshylary – Ýmıt Jam men Mehmet Shahın qatysty.
Taraptar birlesken ǵylymı jáne bilim berý jobalaryn júzege asyrý, qazaqstandyq jáne túrkııalyq dárigerler arasynda onlaın konsýltasııalar uıymdastyrý, klınıkalyq tájirıbe almasýdyń naqty mehanızmderin engizý jáne Aqtaý qalasyndaǵy medısınalyq mekemelerdiń áleýetin arttyrý baǵyttaryn qamtıtyn yntymaqtastyq máselelerin talqylady.
Qysqa merzimdi josparlar qatarynda baılanys tulǵalaryn bekitý jáne mamandar arasyndaǵy tájirıbe almasýdy júıeli jolǵa qoıý týraly aıtylsa, uzaq merzimdi perspektıvada – medısınalyq mekemelerdiń ınfraqurylymyn halyqaralyq standarttarǵa saı jetildirý máseleleri qarastyryldy.
Aqtaý qalasynyń ákimi Ábilqaıyr Baıpaqov eki el arasyndaǵy dostyq pen ózara yntymaqtastyqtyń nyǵaıyp kele jatqanyn tilge tıek etip, bul baǵyttaǵy jańa bastamalarǵa qoldaý bildiretinin jetkizdi.
«Qazaqstan men Túrkııa – ejelden baýyrlas elder. Jýyrda ǵana Ankara qalasyna jasaǵan saparymyzda sizderdiń kishipeıildigińiz ben qonaqjaılylyǵyńyzǵa taǵy bir márte kóz jetkizdik. Búgingi bastama – medısınalyq áriptestiktiń jańa kezeńine jol ashary sózsiz. Aqtaýdyń aq halatty abzal jandarymen tájirıbe bólisip, halyqqa sapaly qyzmet kórsetýde birlesip jumys isteımiz degen senimdemin», dedi ol.
О́z kezeginde «MLP Care» kompanııasynyń jetekshisi Mehmet Shahın Aqtaýǵa alǵash ret kelgenin aıtyp, qala halqy men medısına salasyndaǵy áriptestermen yntymaqtastyq ornatýǵa nıetti ekenin jetkizdi.
«Aqtaýǵa alǵash aıaq basyp turmyn. Bul jer óz mádenıeti men dástúrin berik ustanatyn erekshe qala eken. Túrkııadaǵydaı jyly qabyldaýǵa rızashylyǵymdy bildiremin. Bizdiń maqsat – jınaǵan tájirıbemiz ben bilimimizdi qazaqstandyq áriptesterimizben bólisý», dedi Mehmet Shahın.
Kezdesý aıasynda Aqtaý qalasy men Mańǵystaý oblysynyń densaýlyq saqtaý basqarmasy jáne Túrkııanyń «MLP Care» jáne «UMC Medical @ Mediast Medical Travel» kompanııalary atynan ózara yntymaqtastyq týraly memorandýmǵa qol qoıyldy. Bul qujat medısınalyq týrızmdi damytý, mamandardyń kásibı biliktiligin arttyrý jáne halyqaralyq standarttarǵa saı medısınalyq qyzmet kórsetýdi jolǵa qoıýǵa baǵyttalǵan.
Aıta keteıik, «MLP Care Group» – Túrkııadaǵy eń iri jeke medısınalyq holdıngterdiń biri. Quramyna «Medical Park», «Liv Hospital» jáne «VM Medical Park» syndy tanymal brendter engen. Holdıngke qarasty 37 aýrýhanada 22 myńnan astam qyzmetker eńbek etedi. Sonymen qatar, 7 myń tósek orny men 300-den astam ota jasaý bólmesi bar. Al «UMC Medical @ Mediast Medical Travel» ortalyǵy onkologııa, transplantologııa, gematologııa, neırohırýrgııa jáne ortopedııa salalarynda qyzmet kórsetedi. Búginge deıin 5 500-den astam qazaqstandyq naýqas osy ortalyqtan medısınalyq kómek alǵan.
Mańǵystaý oblysy
