Sondyqtan Respýblıka kúni – memlekettiliktiń, zań ústemdiginiń jáne demokratııalyq qundylyqtardyń saltanat qurǵan kúni. Mańyzdy data ár azamatqa óziniń el aldyndaǵy jaýapkershiligin, Otan taǵdyryna degen úlesin tereń sezinýge shaqyrady. Bul – tarıhymyzdy jańasha paıymdap, eldiktiń negizin qalaǵan tulǵalarǵa taǵzym etetin, ulttyń rýhyn asqaqtatatyn ulttyq mereke.
El Prezıdenti Qasym-Jomart Toqaev atap ótkendeı, «Respýblıka – bizdiń táýelsizdigimizdiń bastaýy, eldik pen egemendiktiń belgisi». Demek bul mereke ulttyń sanasynda memleketshil rýhty kúsheıtip, bolashaqqa nyq senimmen qadam basýǵa jiger beredi.
Osy qundylyqtardy júzege asyrýda Qazaqstan halqy Assambleıasy mańyzdy mıssııa atqarady. Assambleıa – qoǵamdyq kelisim men jalpyulttyq birliktiń irgeli ınstıtýty retinde eldegi turaqtylyq pen ózara syılastyq mádenıetin nyǵaıtyp keledi.
Búginde QHA bastamalary qoǵamnyń barlyq salasynda – bilimde, mádenıette, azamattyq qoǵam men jastar saıasaty baǵytynda tatýlyq pen beıbitshilik qaǵıdatyn ornyqtyryp otyr.
Assambleıa qyzmetiniń ózegi – ár etnos ókilin ortaq Otanyna degen súıispenshilik pen jaýapkershilik qundylyǵy aıasynda biriktirý. Bul – Prezıdent aıqyndaǵan «Ádiletti Qazaqstan» tujyrymdamasymen úndes maqsat. Iаǵnı Respýblıka kúniniń el birligin, beıbitshilik ıdeıasyn jańǵyrtatyn rýhanı máni bar.
Sherzod PÝLATOV,
QHA-nyń respýblıkalyq etomedıasııa keńesiniń tóraǵasy,
Prezıdent janyndaǵy Ulttyq quryltaı múshesi
