Foto: azattyq-ruhy.kz
Sondaı-aq vedomstvonyń baspasóz qyzmeti tergeý barysyn Ishki ister mınıstri jeke baqylaýyna alǵanyn málimdedi.
Oqıǵanyń mán-jaıyn anyqtaý jáne tergeý júrgizý úshin IIM ortalyq apparatynyń arnaıy toby áýe bortymen jóneltilgen.
«Mınıstrdiń tapsyrmasy boıynsha jol apatynan qaza tapqan azamattardyń týystaryna jan-jaqty kómek beriledi, sonyń ishinde máıitterdi tasymaldaý jáne jerleý rásimderin uıymdastyrýǵa da qoldaý kórsetiledi. Jedel tergeý júrgizý jáne barlyq qajetti sharalardy oryndaý úshin tıisti sharalar qabyldanatyn bolady», dedi departament bastyǵy - IIM resmı ókili Shyńǵys Alekeshev.
Aıta keteıik, 23 qazan kúni Samara – Shymkent avtojolynda, Belqopa eldi mekeniniń mańynda DAF júk kóligi men jolaýshylar mingen «GAZel» kóligi soqtyǵysyp, saldarynan 12 adam kóz jumǵan bolatyn.
