Mádenıet • 23 Qazan, 2025

«Astana Aqshamy» jáne «Vechernıaıa Astana» gazetteri mereıtoıyn atap ótti

81 ret
kórsetildi
3 mın
oqý úshin

Beıbitshilik jáne kelisim saraıynda «Elorda aqparat» medıaholdınginiń quramyndaǵy «Astana Aqshamy» jáne «Vechernıaıa Astana» gazetteriniń 35 jyldyq mereıtoıyna arnalǵan «Elorda shejiresi» atty saltanatty konsert ótti, dep habarlaıdy Egemen.kz.

«Astana Aqshamy» jáne «Vechernıaıa Astana» gazetteri mereıtoıyn atap ótti

Konsertti gazetterde ár jyldary basshylyq etken redaktorlar, qalamgerler, basylymnyń turaqty avtorlary, zııaly qaýym ókilderi, oqyrman qaýym men qala turǵyndary tamashalady. О́ner juldyzdarynyń konserti bastalmas buryn Prezıdent ákimshiligi Memlekettik keńesshisi hatshylyǵynyń konsýltanty Qalqaman Sarın sóz alyp, Memlekettik keńesshi Erlan Qarınniń quttyqtaý hatyn oqyp berdi.

«Qurmetti «Astana aqshamy» jáne «Vechernıaıa Astana» gazetteriniń ujymy! Sizderdi qos basylymnyń 35 jyldyq mereıtoıymen shyn júrekten quttyqtaımyn. О́tken 35jyl – Táýelsizdik jyldarymen tuspa-tus kelgen Astananyń qalyptasýy men ósip-órkendeýiniń aınasyna aınalǵan kezeń. Osy jyldar ishinde gazetterdiń ár sanynda elordanyń tynys-tirshiligi, qoǵam ómirindegi mańyzdy oqıǵalar men eldik ister keńinen qamtylyp keledi. «Astana aqshamy» gazetinde jarııalanǵan el tarıhyndaǵy taǵdyrly sheshimderdiń jańǵyryǵy Táýelsizdik jylnamasyndaǵy aıshyqty oqıǵalar oıly oqyrmannyń júregine jol taýyp, ystyq yqylasyna bólendi. Al «Vechernıaıa Astana» gazeti óz oqyrmanyn sapaly ári shynaıy aqparatpen qamtamasyz etip, qala ómiriniń ózekti máselelerin kóterip, mazmundy da bedeldi basylymǵa aınaldy», - delingen QR Memlekettik keńesshi Erlan Qarınniń quttyqtaý hatynda.

6Sonymen qatar QR Prezıdenti baspasóz hatshysynyń orynbasary Erjan Baıtiles Prezıdent kómekshisi – baspasóz hatshysy Rýslan Jeldibaıdyń quttyqtaý hatyn oqydy.

«Qurmetti «Elorda aqparat» ujymy! Sizderdi «Astana aqshamy», «Vechernıaıa Astana» gazetteriniń 35 jyldyǵymen quttyqtaımyn. Basylymdar elordamyzdyń tynys-tirshiligin, qalanyń ósip-órkendeý kezeńderin gazet betterinde keńinen dáriptep keledi. Qos gazette jaryq kórgen kóptegen maqala Astana turǵyndarynyń muń-muqtajyna nazar aýdaryp, túıtkildi máselelerdiń sheshilýine oń yqpal etti. Basylymdardyń oqyrmany árdaıym kóp bolýyna tilektespin», - delingen Prezıdent kómekshisi – baspasóz hatshysy Rýslan Jeldibaıdyń quttyqtaý hatynda.

«Elorda aqparat» medıaholdınginiń bir top qyzmetkeri marapatqa ıe boldy. Basylymdardyń ujymyn 35 jyldyq mereıtoıymen quttyqtap, marapatty tabystaǵan QR Mádenıet jáne aqparat vıse-mınıstri Aızada Qurmanova mınıstrdiń quttyqtaý hatyn oqyp berdi.

О́z kezeginde Astana qalasy ákiminiń orynbasary Eset Baıken Astana úshin, elorda turǵyndary úshin búgingi mereıtoıdyń orny erekshe ekenin atap ótip, elorda ákimi Jeńis Qasymbektiń quttyqtaý hatyn oqyp berdi.

Kesh barysynda «Tárbıe» sán úıi shapandar sherýi etno sán kórsetilimin uıymdastyrdy.

Konsertte Qaırat Baekenov, Qurmash Mahan, О́zgeris Sherikbaı, Marjan Arapbaeva, Aıgúl Qosan, Gúlsim Myrzabek, Rýhııa Baıdúkenova syndy óner maıtalmandary, sonymen qatar «Qorqyt» etno folklorlyq ansambli, «Jastar teatrynyń» artısteri, «Aınalaıyn» balalar hory óner kórsetti.

Aıta ketsek, 1990 jyly 13 qazan kúni tuńǵysh sany jaryqqa shyqqan aımaqtaǵy alǵashqy qazaq tildi basylymdardyń biri «Aqmola aqıqaty» 1998 jyly «Aqmola aqshamy», keıinnen respýblıkalyq qoǵamdyq saıası mártebesi bar «Astana aqshamy» atandy.

2002 jyly «Astana aqshamy» gazeti Qazaqstan jýrnalıstıka akademııasynyń «Altyn juldyz» syılyǵynyń laýreaty atansa,  2018 jyly QR Prezıdentiniń Alǵys haty jáne «Nur-Suńqar» syılyǵymen marapattalǵan.