Aldymen Almatydan Esikke deıingi jol shamamen bir saǵatqa sozylatynyn,
Ile Alataýynyń eteginde ondaǵan ejelgi qorǵan ornalasqanyn aıta ketken jón.
Sonaý 1969 jyly arheologtar osy mańnan saq jaýyngeriniń qabirin taýyp, ol tarıhta «Altyn adam» retinde tanymal ekendigi barshamyzǵa belgili. Búginde osynaý tarıhı jádiger - Qazaqstannyń ulttyq nyshany ispetti.
Sonymen erekshe sapar barysynda medısına qyzmetkerleri ekskýrsııa jetekshisiniń áńgimesin qyzyǵa tyńdap, saqtardyń turmysy, dástúri men dúnıetanymy týraly saýaldar qoıdy. Kópshilik úshin Esik qorǵanynan tabylǵan kóne jazýy bar kúmis shyny týraly estý de qyzyqty edi. О́ıtkeni, ǵalymdar ony túrki jazýynyń alǵashqy nusqasynyń biri dep esepteıdi.
«Tarıh árdaıym alysta sııaqty, biraq ony óz kózińmen kórgende basqa áser alasyń. Biz zamanaýı tehnologııalarmen jumys isteýge ádettengenbiz, al munda kez kelgen ǵylymnyń túp-tórkini - tarıhty, jádigerlerdi baǵalap, kózdiń qarashyǵyndaı saqtaýda ekendigin túısinesiń», - deıdi №8 QKA bas medbıkesi Aınur Shahamanova.
«Biz ómirdiń sonshalyqty názik ekedigin jıi sezinip, shyn máninde baǵalaımyz. «Esik» murajaıynda tarıh pen medısına arasynda ózindik uqsastyq bar. Ekeýiniń de máni - saqtaý: este saqtaý men ómirdi saqtaý», - deıdi ota jasaý bólimniń aǵa medbıkesi Janna Aqqulaq.
Búginde «Esik» murajaı-qoryǵynda
«Altyn adamǵa» arnalǵan ekspozısııadan da bólek, saqtarǵa qatysty jádigerler, qorǵan maketteri, eski qonystardyń oryndary bar.
