Respublica Asyq Atu týrnıri sportshylardy, kórermenderdi jáne qurmetti qonaqtardy biriktirip, ulttyq rýhtyń naǵyz merekesine aınaldy. Fınaldyq oıyndar, konserttik baǵdarlama jáne ulttyq sport túrlerinen sheberlik sabaqtary myńdaǵan qala turǵyndary men qonaqtardy jınady.
«Búgin asyq oıyny arqyly biz ózimizdiń túp-tamyrymyzǵa, ulttyń rýhanı kody men dástúrine qaıta oralamyz. Asyq atý - barlyq ulttyq sport túriniń bastaýy. Onyń tarıhy ǵasyrlar qoınaýynan bastaý alady jáne halqymyzdyń turmysymen tyǵyz baılanysty. Búgingi týrnır ulttyq sporttyń halyqtyq qundylyq ekenin dáleldep otyr. Biz asyq atýdy tek dástúr retinde emes, qoǵamdy biriktiretin zamanaýı mádenı qubylys retinde damytqymyz keledi. Sebebi ulttyq sport - jaı ǵana trend emes. Ol - ulttyń bolmysy, rýhy men patrıotızmi», - dedi Májilis depýtaty, Qazaqstan Respýblıkasy Asyq atý federasııasynyń prezıdenti Oljas Quspekov.
Qyzý tartysty ótken fınaldyń qorytyndysy boıynsha týrnır jeńimpazy atanǵan Aqtóbe oblysy, Qulybek Ǵaryshbek esimdi sportshyǵa Qazaqstandyq Allur avtomobıl kompanııasy shyǵarǵan Chevrolet Onix avtokóligi tabystaldy.
Ekinshi oryn ıegeri Túrkistan oblysy, Abılhan Talgar 1 000 000 teńge kóleminde syıaqy alsa, úshinshi oryn alǵan Batys-Qazaqstan oblysy, Slamqul Baqdaýlet 500 000 teńgemen marapattaldy. Budan bólek, qatysýshylarǵa AMANAT partııasy arnaıy 300 000 teńge kólemindegi syılyǵy Pavlodar oblysy, Jazdyqbaı Kerimge taǵaıyndady.
Jartylaı fınaldar men fınaldyq oıyndardan quralǵan jarys marafony asyq atý sheberleriniń joǵary deńgeıin jáne bul sport túrine degen qyzyǵýshylyqtyń artyp kele jatqanyn kórsetti.
«Bizdiń kompanııanyń DNQ-synda ulttyq qundylyqtar men jasampazdyq rýhy bar. asyq atý týrnırin qoldaı otyryp, biz sport, mádenıet jáne shyǵarmashylyq bastamalar arqyly ulttyq sanany jańǵyrtýdy kózdeımiz. Sportshylarymyz ben qatysýshylarymyz erik-jiger men Otanǵa degen súıispenshiliktiń úlgisi bolaryna senemiz», – dedi týrnırdiń resmı seriktesi, Allur kompanııasynyń ókili Aıgúl Ahmetova.
Týrnırdi ótkizý úshin Shymkenttiń tańdalýy da kezdeısoq emes. О́tken jyly dál osy óńirdiń sportshylary joǵary nátıje kórsetip, bas júlde ıegeri de shymkenttik bolǵan edi. Sondyqtan 2025 jyly Shymkent qalasy Respublica Asyq Atu týrnıriniń astanasyna aınaldy. Bul óńirdiń ulttyq sporttyń damýyna qosqan úlesin aıryqsha atap ótedi.
Shymkenttegi týrnır qala mártebesin asyq atý sportynyń damýynyń ortalyǵy retinde bekitti. Bul jarys ulttyq sporttyń urpaqtar men óńirlerdi biriktire alatynyn jáne mádenı muramyzdy saqtaýda mańyzdy ról atqaratynyn dáleldedi. Respublica Asyq Atu týrnıri kóne oıynnyń zamanaýı serpin alyp, buqaralyq qozǵalysqa aınalýyna zor úles qosty.
