Foto: istockphoto.com
Jańartylǵan zań jobasy jasandy ıntellekt tehnologııalaryn qaýipsiz ári turaqty damytýǵa jaǵdaı jasaýǵa baǵyttalǵan. Qujatta JI salasyndaǵy irgeli zertteýlerdi qoldaý, negizgi tehnologııalardy sonyń ishinde algorıtmderdi jetildirý, sondaı-aq zamanaýı ınfraqurylym, derekqorlar men esepteý júıelerin damytý kózdelgen.
Sonymen qatar, zań jobasynda etıka men qaýipsizdik máselelerine erekshe nazar aýdarylǵan. Qujat jasandy ıntellektini jaýapty qoldanýdyń standarttaryn jetildirý, táýekelderdi monıtorıngteý men baǵalaý tetikterin engizý, sondaı-aq qaýipsizdik salasyndaǵy baqylaýdy kúsheıtý qajettiligin bekitedi.
Reformanyń taǵy bir mańyzdy baǵyty kıberqaýipsizdik salasyndaǵy zańdyq jaýapkershilikti kúsheıtý jáne jańa normalardy QHR-dyń ózge zańdarymen sáıkestendirý.
Jańartylǵan túzetýler 2026 jyldyń 1 qańtarynan bastap kúshine enedi.
Aıta keteıik, Qytaıdyń qoldanystaǵy kıberqaýipsizdik týraly zańy alǵash ret 2016 jyly qabyldanǵan bolatyn.
